| 1. |
Ukwenzela ukuncedisa ootitshala nabafundi xa belungiselela uviwo lweBusiness Studies kwiBakala 12 (Grade 12 Business Studies examination) ngoNovemba 2014, kwakhutshwa iSetyhula No. 7 ka-2013 liSebe leMfundo esiSiseko ngenjongo yokucacisa istraksha sephepha loviwo lwe-Business Studies kwiBakala 12 njengoko livelayo kwiNkcazo yoMgaqo-nkqubo weKharityhulam noVavanyo (Curriculum and Assessment Policy Statement (CAPS)). |
| 2. |
Itheyibhile ekwisiHlomelo A esiqhotyoshelweyo (ekwisiNgesi nakwisi-Afrikansi kuphela) inika istraksha sephepha loviwo lwe-Business Studies Grade 12, inkcazo ngecandelo ngalinye, ngamanqaku nangokwabiwa kwexesha. Ootitshala namagosa ekharityhulam kufuneka bayiqaphele ngokukodwa indlela elihlaziywe ngayo iCandelo B leli phepha. |
| 3. |
Okuqulethwe kule ngcaciso imfutshane makufundwe kunye neCAPS yeBusiness Studies eyakhutshwa liSebe leMfundo esiSiseko, ngoJanuwari 2012. Nakuba kunjalo, makuqatshelwe kwakhona ukuba zilungisiwe iimpazamo kwiCAPS yaye inkcazo yomgaqo-nkqubo ehlaziyiweyo iza kuprintwa kwakhona. Okwakalokunje unokulufumana uluhlu lweempazamo (list of errata) ngokuthi uklikhe ku-"CAPS" kwihome page kwiziko lewebhu lesebe likazwelonke (national department's website) apha: http://www.education.gov.za |
| 4. |
Ziyacelwa iinqununu ukuba zazise okukule ngcaciso imfutshane zonke iintloko zezifundo nootitshala beBusiness Studies bamaBakala 10, 11 no-12, ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2013:08:28
|
 |