| 1. |
I-Cape Teaching and Leadership Institute (CTLI) iya kuba iqhuba iikhosi, iinkomfa neesemina ezidweliswe kuluhlu olukwisiHlomelo A esiqhotyoshelwe apha zeenqununu, zamasekela-nqununu, zeentloko zamacandelo ezifundo nezootitshala, ngethuba leekota zesikolo okanye ngeeholide zesikolo ngo-2014. |
| 2. |
Ootitshala abanomdla wokuza kwezi khosi mababhalise zona, ngokudlula kuqala kumagosa ee-ofisi zezithili zemfundo zabo (Jonga isiHlomelo B ukufumana iinkcukacha zoqhagamshelwano zamagosa ee-ofisi zezithili zemfundo). Amagosa ee-ofisi zezithili zemfundo makatyumbe ootitshala amabeze kwezi khosi zoqeqesho aze yena umlawuli we-ofisi yesithili asayine amagama abatyunjiweyo phambi kokuba angeniswe kwi-CTLI. |
| 3. |
Ukubhalisela iinkomfa neesemina makwenziwe ngqo neCTLI. |
| 4. |
ISebe leMfundo leNtshona Koloni liya kuqesha ootitshala ababambeleyo endaweni yootitshala abaya kwiikhosi zeCTLI ngethuba leekota zesikolo, ngokuxhomekeke ekubeni
- akukho titshala ungaphezu kwemfuneko (no teacher is in excess) kwisikolo eso;
- utitshala obambeleyo akangotitshala ohlawulwa libhunga lolawulo; yaye
- utitshala obambeleyo akasele ebambele omnye utitshala.
|
| 5. |
Ngumsebenzi oluxanduva lwesikolo ukufumana nokutyumba utitshala oza kubambela utitshala oye ekhosini. |
| 6. |
Iikhosi ziyaphinda-phindwa amaxesha amaninzi apha enyakeni ukwenzela ukuba ootitshala bakhethe iikhosi ezifundiswa ngamaxesha abanako ngawo ukuya ekhosini ngokupheleleyo (attend a full course). |
| 7. |
Kuphela ngootitshala abayi-50 abanokubhaliselwa ikhosi nganye. Aba titshala baya kuthathwa kuzo zosibhozo izithili zemfundo. Oku kuthetha ukuba kuphela lelo nani liqingqiweyo lootitshala abanokuya ekhosini ngalo naliphi na ixesha. |
| 8. |
Amagama abatyunjiweyo avela kwii-ofisi zezithili zemfundo abaza kuya kwiikhosi eziya kuqhutywa apha enyakeni makafike kwiCTLI ungadlulanga owe-8 Novemba 2013. Kucelwa i-ofisi yesithili semfundo nganye ukuba ingenise eCTLI ubuncinane amagama ootitshala abasi-8 ngekhosi nganye. |
| 9. |
Ukufumana ingcaciso engaphezulu kucelwa ungathandabuzi ukuqhagamshelana nala magosa aseCTLI alandelayo,:
- André Lamprecht, ifoni 021 900 5020, ifeksi 086 614 5529, i-imeyili andren.lamprecht@westerncape.gov.za ngazo zonke iikhosi neesemina zolawulo kunye nophuhliso lobunkokeli besikolo
- Magdalena Benn, ifoni 021 900 5016, ifeksi 086 614 5151, i-imeyili magdelena.benn@westerncape.gov.za ngazo zonke iikhosi zeSigaba sesiSeko, iProjekthi yokuBhala kunye neNkomfa yokuFunda nokuBhala yeGET
- Keith Scheepers, ifoni 021 900 5018, ifeksi 086 614 5564, i-imeyili keith.scheepers@westerncape.gov.za ngazo zonke iikhosi zeSigaba esiPhakathi nesaBadala, kunye neNkomfa yeziSombululo zeMathematika yeGET
|
ISAYINWE: NGU-BK SCHREUDER
USEKELA MLAWULI-JIKELELE: WOLAWULO LWEKHARITYHULAM NOVAVANYO
UMHLA: 2013:09:20
|
 |