| 1. |
AmaBhaso okuWonga ooTitshala kaZwelonke athathela ingqalelo ukutshatshela nemigangatho exhomileyo yokufundisa kwaye anika abo bakwinkonzo yezemfundo ithuba lokuvuyela impumelelo yootitshala abamsebenzi wabo utshatshele ngokukodwa. Ngaphezulu, akwabonisa umsebenzi oqaqambe ngokukodwa owenziwa ngootitshala ngokubanzi. |
| 2. |
ISebe leMfundo leNtshona Koloni (iSebe iWCED), ngoko ke, linebhongo ukuququzelela nokubamba itheko lephondo lokuwonga ngamabhaso, akhokelela kumaBhaso okuWonga ooTitshala kaZwelonke onyaka we-14. |
| 3. |
Ootitshala abawafaneleyo la mabhaso banokutyunjwa kula macandelo alandelayo:
UkuTshatshela ekuFundiseni kwiZikolo eziziiPrayimari
UkuTshatshela ekuFundiseni kwiZikolo eziziiSekondari
UkuTshatshela kubuNkokeli kwiZikolo eziziiPrayimari
UkuTshatshela kubuNkokeli kwiZikolo eziziiSekondari
UkuTshatshela ekuFundiseni iBakala R
UkuTshatshela ekuFundiseni abezeMfundo eneeMfuno eziZodwa
UkuTshatshela kwiThekhinoloji yeNgcaciso noNxibelelwano – ukuFundisa okuPhuculiweyo
IBhaso leMpumelelo kwezeMfundo yeXesha Lonke lokuPhila
|
| 4. |
Kuqhotyoshelwe apha ikopi yekhompyutha (electronic version) yeSikhokelo esiNika iNgcaciso ekukho kuso iifom zokutyumba neekhrayitheriya zokulungela ukufumana amabhaso, eziya kuthunyelwa ezikolweni. Ikopi eliphepha iya kufika kuwo onke amaziko eSebe iWCED ekupheleni kwekota yesi-2. |
| 5. |
Bayacelwa bonke ootitshala ukuba bangenise amagama abatyunjiweyo, kulandelwa iikhrayitheriya ezifumaneka kwiSikhokelo sokuNika iNgcaciso, kwiinqununu zabo okanye kubaphathi bamaziko abo. |
| 6. |
Ziyacelwa iinqununu nabaphathi bamaziko ukuba bathumele iifom ezizalisiweyo zotyumbo kwii-ofisi zezithili zemfundo zabo ukuba ziqwalaselwe ngabaququzeleli bezithili. Ukuba ufuna ingcaciso engaphezulu, kucelwa uqhagamshelane nomnye waba baququzeleli bezithili bachaphazelekayo balandelayo:
| (i) |
Eden & Central Karoo |
Mnu Tom Willems, tel. 044 803 8308 / 083 456 1686 |
| (ii) |
Cape Winelands |
Mnu Alton Koenze, tel. 023 348 4673 / 082 462 8916
Nks Jeanette Harker, tel. 023 348 4676 / 082 726 4853 |
| (iii) |
Overberg |
Mnu Edward Kies, tel. 028 214 7367 / 084 583 5008 |
| (iv) |
West Coast |
Mnu Johannes Mouton, tel. 022 482 2737 / 083 289 8437 |
| (v) |
Metro South |
Mnu Rachart Job, tel. 021 370 2007 / 071 877 9653 |
| (vi) |
Metro East |
Mnu Keith de Wet, tel. 021 900 7036 / 082 825 3023 |
| (vii) |
Metro North |
Nks Patricia le Roux, tel. 021 938 3006 / 079 898 6644
Mnu Trevor Adams, tel. 021 938 3016 / 083 653 6815 |
| (viii) |
Metro Central |
Mnu Gerald Davids, tel. 021 514 6969 / 082 926 2123 |
|
| 7. |
Kucelwa uthathele ingqalelo ezi zicatshulwa zilandelayo ezikwisikhokelo sokutyumba:
| |
The principal/chairperson of the nomination team must organise a nomination meeting that would include the School Governing Body (SGB) to discuss the nomination process.
The staff and the SGB members of the school must study the criteria requirements of each category and draw up attributes or qualities that would match their nominees with particular given criteria.
Once suitable teachers/teams have been nominated, their names must be filled in on the Nomination Forms provided.
District Officials/Regional Officials may also nominate in consultation with the school.
|
|
| 8. |
Ngootitshala abahlanu abona baninzi abanokwenza ikomiti kwihlelo (category) ngalinye. |
| 9. |
Kunyanzelekile ukuba iinqununu nabaphathi bamaziko babambe intlanganiso yokutyumba amagama ungadlulanga umhla we-19 Julayi 2013. Makugcinwe imizuzu yale ntlanganiso ize ingeniswe kumphathi weze-IMG, ukuba iqwalaselwe ngumququzeleli wesithili ochaphazelekayo. |
| 10. |
Umhla wokuvalwa kokwamkelwa kwazo zonke iifom zamagama atyunjiweyo ngowe- 31 Julayi 2013. |
| 11. |
Abagqwesileyo kwiiklasta nakumjikelo wokugqibela wephondo (to cluster and provincial finalists) baya kuwongwa ngamabhaso afanelekileyo. Ngaphezulu, izikolo eziphumeleleyo ziya kufumana isikolo ngasinye ibhaso lemali eyi-R5 000 (kwiiklasta) ne-R7 500 (kwiphondo) eya kusetyenziselwa ukuphuhlisa umsebenzi wootitshala ukuba baphucule indlela yokufundisa eklasini. |
| 12. |
AmaBhaso okuWonga ooTitshala kaZwelonke axhaswa yiNtloko yeSebe leMfundo, yimibutho yabasebenzi, nayimibutho yamabhunga olawulo ezikolo nanguMphathiswa weMfundo wePhondo. |
| 13. |
Ayakhuthazwa onke amalungu angabahlali besikolo (school community) ukuba athathe inxaxheba ekutyumbeni abantu abafanele ukungenela amaBhaso okuWonga ooTitshala kaZwelonke. |
| 14. |
Kucelwa wazise bonke ootitshala okukule ngcaciso imfutshane ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO NOVAVANYO LWEKHARITYHULAM
UMHLA: 2013:06:14
|
 |