| 1. |
ISistim yoLawulo loPhuhliso looTitshala kuMsebenzi wokuFundisa oluQhubekayo (Continuing Professional Teacher Development Management System (CPTDMS)) yaye yaziswa kwi-National Policy Framework on Teacher Education and Development, eyakhutshwa kwigazethi yomhla we-26 Apreli 2007. |
| 2. |
Injongo ye- CPTDMS
- kukuqinisekisa ukuba iinzame ezenziwayo njengangoku zokuzibhokoxa ngokupheleleyo kuphuhliso lootitshala kumsebenzi wokufundisa zinegalelo ngakumbi nangokuthe ngqo kuphuculo lomgangatho wokufundisa;
- kukugxininisa nokubethelela ukuxabiseka komsebenzi wobutitshala;
- kukunika ootitshala isikhokelo esicacileyo ekuya kuthi ngaso imisebenzi yophuhliso lootitshala ibe negalelo ekukhuleni kwabo kumsebenzi wokufundisa;
- kukukhusela ootitshala kubaboneleli-nkonzo abanobuqhetseba; kunye
- nokwandisa iindidi zemisebenzi efaka igalelo kuphuhliso lootitshala kumsebenzi wokufundisa.
|
| 3. |
IBhunga looTitshala laseMzantsi Afrika (South African Council for Educators (SACE)), ngokubambisana neSebe leMfundo esiSiseko kwakunye namasebe emfundo amaphondo, aqulunqe i-CPTDMS, aza ayicokisa, esebenzisa iziphumo neengcebiso ezivela kwiprojekthi elilinge eyenziwa kumaphondo osithoba. |
| 4. |
IBhunga leSACE ngoku livume le nkqubo ilandelayo yokuqaliswa kwe-CPTDMS:
| Iqela ekujoliswe kulo |
UMjikelo 1 |
UMjikelo 2 |
UMjikelo 3 |
| Iinqununu namasekela-nqununu |
2014 |
2017 |
2020 |
| Iintloko zamacandelo ezifundo |
2015 |
2018 |
2021 |
| Ootitshala beZithuba zeNqanaba 1 |
2016 |
2019 |
2022 |
|
| 5. |
Kumalungiselelo okwaziswa kwenkqubo kwiinqununu nakumasekela-nqununu kumjikelo wokuqala, iSebe leMfundo leNtshona Koloni, ngokubambisana neSACE, liya kunika iiseshoni zokuqhelaniswa nenkqubo nokujoyinisa iinqununu namasekela-nqununu ngo-2013. |
| 6. |
Ngo-2014 kuya kuqhutywa iiseshoni zokuqhelaniswa nenkqubo nokujoyinisa iintloko
zamacandelo ezifundo kuze ngo-2015 kube ngootitshala beZithuba zeNqanaba 1. |
| 7. |
Iinkcukacha zeeseshoni zokuqhelaniswa nenkqubo nokujoyinisa iinqununu kunye namasekela-nqununu ziya kwaziswa izikolo zii-ofisi zezithili zemfundo. |
| 8. |
Kucelwa wazise okukule ngcaciso imfutshane bonke abasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:05:29
|
 |