| 1. |
HERNASIEN VAN SKRIFTE
Kandidate se skrifte kan in die volgende gevalle hernagesien word:
|
| 1.1 |
'n Kandidaat wat in een of meer vakke in die Senior Sertifikaat-/BOOV Vlak 4-eksamen gedruip het, kan sy/haar skrif(te) in daardie vak(ke) laat hernasien. |
| 1.2 |
'n Kandidaat wat in die Senior Sertifikaat-eksamen geslaag het, maar in een of meer vakke nie die standaard wat vir 'n besondere doel vereis word, bereik het nie, (byvoorbeeld matrikulasievrystelling, 'n beurs of die spesifieke vereistes van 'n tersiêre inrigting) kan met die goedkeuring van die Departement, sy of haar eksamenskrif(te) laat hernasien. Die REDE vir die hernasien moet skriftelik op 'n afsonderlike bladsy verskaf word en die aansoek vergesel. Aansoeke wat nie deur bogenoemde vergesel word nie, sal nie oorweeg word nie. (Let daarop dat die Departement bereid is om toe te laat dat skrifte hernagesien word in 'n vak waarin 'n kandidaat nie 40 % behaal het nie alleenlik vir die doel van matrikulasie-endossement en/of waar 'n beurs op die spel is). |
| 1.3 |
Die Departement kan na goeddunke die hernasien van 'n skrif(te) van 'n kandidaat wat in die Senior Sertifikaat-/BOOV Vlak 4-eksamen geslaag het, toelaat waar daar 'n verskil is van minstens twee vlakke tussen die kandidaat se September-punte en die punte wat in die Departementele eksamen behaal is. |
| 1.4 |
AANSOEKE OM HERNASIEN VAN SKRIFTE TESAME MET DIE VOORGESKREWE BEDRAG VAN R79.00 PER VAK MOET DIE DEPARTEMENT BEREIK VOOR OF OP DIE SLUITINGDATUM VIR AANSOEKE. GEEN AANSOEK OM HERNASIEN VAN SKRIFTE SAL OORWEEG WORD TENSY DIE VOORGESKREWE BEDRAG DIE AANSOEK BINNE DIE GENOEMDE TYDPERK VERGESEL. |
| 1.5 |
Die sluitingsdatum vir hernasien van die November 2013 eksamenskrifte is 21 Januarie 2014. |
| 1.6 |
Elke kandidaat sal van die uitslag van die hernasien van sy of haar skrifte in kennis gestel word. |
| 2. |
HERKONTROLERING VAN SKRIFTE |
| 2.1 |
Kandidate mag aansoek doen dat sy/haar skrifte weer gekontroleer word ten einde te verseker dat alle antwoorde nagesien en die punte korrek geprosesseer is. |
| 2.2 |
Aansoek om herkontrolering moet gedoen word binne veertien (14) dae na bekendmaking van die amptelike uitslae. Die bedrag is R16.00 per vak en is nie terug betaalbaar nie. |
| 2.3 |
Applikante sal per brief en, waar toepaslik, per gewysigde uitslagadvies, van die uitslae van die herkontrolering van skrifte in kennis gestel word. |
| 3. |
BESIGTIGING VAN SKRIFTE |
| 3.1 |
Kandidate mag hul skrifte teen R157. 00 per vak besigtig indien hulle nie tevrede met die uitslag van die hernasien en herkontrolering is nie. Die bedrag is nie terug betaalbaar nie. |
| 3.2 |
'n Skriftelike motivering vir die versoek moet by die Hoof van Onderwys ingedien word binne veertien (14) dae na bekendmaking van die amptelike uitslae. Geen aansoek sal daarna oorweeg word nie. |
| 3.3 |
'n Kandidaat en/of sy haar ouer(s) of voog sal toegelaat word om die betrokke skrif(te) te besigtig en mag binne sewe dae na aanleiding van die besigtiging 'n klagte indien. Die Departement sal daarna 'n finale besluit oor die uitslag neem. |
| 4. |
TERUGBETALING TEN OPSIGTE VAN HERNASIEN |
| 4.1 |
Koste aangegaan vir die hernasien van enige vak word terugbetaal indien die kandidaat as gevolg van die hernasien:
- 'n vak of vakke slaag waarin hy of sy aanvanklik gedruip het;
- punte behaal wat die uitslag van 'n vak met minstens een simbool verbeter.
Terugbetaling van die hernasienbedrag sal eers plaasvind na die hernasienproses van alle vakke voltooi is.
|
| 4.2 |
Dit is dus belangrik dat die kwitansie wat uitgereik is vir die betaling van die hernasiengeld op 'n veilige plek bewaar word. |
| 5.1 |
Aansoek om hernasien of herkontrolering moet op die voorgeskrewe aansoekvorm gedoen word. Afsonderlike vorms moet vir die herkontroleer en/of hernasien van eksamenskrifte ingedien word. Aansoeke mag ingedien word by die WKOD-hoofkantoor (Kliëntediens, 2de vloer) of na die volgende adres gepos word:
Hoof: Onderwys
Aandag: Me N Kanase
Wes-Kaap OnderwysdepartementBPrivaatsak X9114
KAAPSTAD
8000
|
| 5.2 |
Indien 'n terugbetaling benodig word, moet die aangehegte BAS-vorm saam met elke aansoek om hernasien ingedien word.
'n Kandidaat wat nie 'n bankrekening het nie, moet sy of haar ouer of voog se bankrekening besonderhede op die BAS-vorm invul. (Geen fakse van BAS-vorms word aanvaar nie).
|
| 6. |
NAVRAE
Vorms kan aangevra word by die volgende kontaknommers en adresse, of kan van die WKOD-webtuiste afgelaai word.
|
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:11:29
|
 |