| 1. |
Ten einde prinsipale in staat te stel om die nodige reëlings te tref om die uitslae af te haal en te kontroleer, word die volgende inligting en datums verskaf. Let asseblief daarop dat hierdie datums en tye tentatief is en dat enige veranderinge in die reëlings aan u gekommunikeer sal word. Onderwysdistrikskantore sal ten volle op hoogte gehou word. |
| 1.1 |
Dinsdag, 7 Januarie 2014 om 08:00
LW: Nie voor 08:00 nie |
Prinsipale en sentrumbestuurders (of afgevaardigde personeellede) kry resultate by die onderwysdistrikskantore |
|
| 1.2 |
Prinsipale en sentrumbestuurders (of afgevaardigde personeellede) kry 4 uur om uitslae vir enige ooglopende foute te kontroleer. Hierdie foute moet gerapporteer word aan die Direktoraat: Eksamenadministrasie by telefoonnommers 021 4672940/ 2483/2924. |
| 1.3 |
| Dinsdag, 7 Januarie 2014 om 12:00 |
Uitslae kan by die onderskeie skole/sentrums aan leerders bekend gemaak word |
| LW: |
Geen uitslae mag aan kandidate bekend gemaak word nie, en geen inligting in hierdie verband mag aan die pers verskaf word voor 12:00 op 7 Januarie 2014 nie.
Die oorspronklike staat van uitslae vir individuele leerders sal ingesluit wees by die uitslaepakket wat aan elke skool en sentrum uitgereik word. Skole moet leerders en ouers inlig dat hulle nie meer die uitslae deur die pos gaan ontvang nie.
|
|
| 1.4 |
| Dinsdag, 7 Januarie 2014 om 15:00 |
Uitslae sal beskikbaar wees op die WKOD se webwerf by wced.school.za |
Kandidate sal hulle eksamennommers en identiteitsnommers moet invoer om hulle individuele uitslae op die WKOD-webtuiste te kan sien. |
| 1.5 |
| Woensdag, 8 Januarie 2014 om 06:00 |
Uitslae word in die pers gepubliseer |
|
| 1.6 |
| Maandag, 13 Januarie 2014 na 12:00 |
Onafgehaalde uitslae word deur onderwys- distrikskantore aan die sentrums gepos |
|
| 1.7 |
| Dinsdag, 14 Januarie 2014 om 10:00 |
NSS Toekenningseremonie by Leeuwenhof |
|
| 2. |
Die Departement moet ingelig word aangaande reëlings van skole/sentrums om hulle uitslae te kom haal. Prinsipale en sentrumbestuurders word versoek om die aangehegte vorm te voltooi en na die toepaslike onderwysdistrikskantoordirekteur te stuur teen 2 Desember 2013. |
| 3. |
Dit is uiters belangrik dat kandidate wat nie die eksamen slaag nie ondersteuning en berading ontvang. Hierdie kandidate moet ingelig word van die beradingsdiens wat beskikbaar is. Kandidate kan by die skool berading ontvang wanneer hulle uitslae ontvang of, waar van toepassing, by die toepaslike onderwysdistrikskantore, waar departementele personeel beskikbaar sal wees. Indien ‘n prinsipaal, sentrumbestuurder of afgevaardigde personeellid ‘n kandidaat na ‘n onderwysdistrikskantoor verwys, moet daardie kandidaat die telefoonnommer en adres van die onderwysdistrikskantoor gegee word, en moet die onderwysdistrikskantoor die besonderhede van die kandidaat ontvang. Aangesien dit dikwels gebeur dat kandidate wat berading nodig het dit nie uit vrye wil soek nie, word daar ‘n beroep gedoen op prinsipale om bewus te wees van die emosies van kandidate wie se verwagtinge nie verwesenlik is nie. |
| 4. |
Vrystelling van inligting aan die media
Die media sal ook geïnteresseerd wees om inligting van skole te verkry aangaande kandidate wat uitsonderlik goed presteer het in die Nasionale Senior Sertifikaat-eksamen. Prinsipale, sentrumbestuurders of die afgevaardigde personeellid mag sodanige inligting en foto’s aan die media verskaf na beraadslaging met ouers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:10:11
|
 |