| 1. |
Die BOOV Vlak 4-eksamen is geskeduleer om op Vrydag, 01 November 2013 te begin en op Maandag, 25 November 2013 te eindig. |
| 2. |
Alle geregistreerde WKOD-gemeenskapsleersentrums word versoek om hulle kandidate in te skryf vir hierdie eksamens in die leerareas van hulle keuse, op voorwaarde dat die kandidate al die eenheidstandaarde in die betrokke leerareas voltooi het. Waar moontlik sal eksamens aangebied word vir al die leerareas wat deur kandidate aangebied word. Die Direktoraat: Eksamenadministrasie behou hom egter die reg voor om nie eksamens aan te bied in leerareas waar daar te min inskrywings is. |
| 3. |
Die eksamen vir 'n leerarea tel 50% van die punte, terwyl die oorblywende 50% verkry sal word van gemodereerde skoolgebaseerde assesseringsportefeuljes (SBA-portefeuljes). Geen leerder mag toegelaat word om in te skryf vir 'n leerarea indien die leerder nie die taak(ke) vir die betrokke skoolgebaseerde assessering voltooi het nie. Leerders met geen SBA-punte sal geen uitslae ontvang nie. |
| 4. |
Sodra die November 2013-eksamen rooster van die Departement van Basiese Onderwys ontvang word, sal dit aan alle sentrums verskaf word. |
| 5. |
Sentrumbestuurders word versoek om 'n afskrif van die ingeslote inskrywingsvorms in te vul vir elke kandidaat wat vir die eksamen wil inskryf.
Indien 'n kandidaat as gevolg van siekte of ander onvermydelike omstandighede afwesig is, moet die betrokke kandidaat se inskrywingsvorm onderteken word deur die sentrumbestuurder wat dan ook langs sy of haar handtekening moet aandui dat die kandidaat afwesig was.
|
| 6. |
Die volgende voltooide vorms moet gestuur word aan die Direktoraat: Eksamenadministrasie te Hoofkantoor:
Hierdie voltooide vorms moet die Departement by die volgende adres bereik teen nie later nie as Vrydag, 10 September 2013.
Hoof: Onderwys
Vir Aandag: Mnr. C. Slee, Kamer 5-15
Direktoraat: Eksamenadministrasie
Wes-Kaap Onderwysdepartement
Laer Parlementstraat
KAAPSTAD
8001
|
| 7. |
Let daarop dat geen veranderings in leerareas toegelaat sal word nadat die inskrywings gefinaliseer is nie. Inskrywingsvorms moet dus akkuraat ingevul word. Laat inskrywings sal nie aanvaar word nie. |
| 8. |
Die riglyne rakende die standaardisering, appelle en sertifisering verskyn in Omsendbrief 0027/2004 en moet saamgelees word met die dokument, Nasionale beleid oor die afneem van die BOOV-vlak 4-eksamens, wat in 2002 aan openbare volwasse-leersentrums voorsien is. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:08:20
|
 |