1. Soos u bewus is, is u skool gekeur om deel te neem aan Fase 3 van die provinsiale Geletterdheid- en Gesyferdheidsintervensie. (Kurrikulumminuut 0003/2013 en die Fase 3- distriksinligtingsessies het betrekking.)
2. Die fase sal versprei word oor 2 siklusse:

  • Siklus 1 begin in Junie-Julie 2013, met 'n vyfdaagse opleidingsessie vir onderwysers, in Taal of in Wiskunde. Dit sal gevolg word deur geteikende terreingebonde ondersteuning vir onderwysers om hulle by te staan met die implementering van die nuwe metodologieë.

  • Silkus 2-opleiding sal gehou word in Junie-Julie 2014 waar skole sal omruil – d.w.s. skole wat in Siklus 1 Taalondersteuning ontvang het, sal nou Wiskundeondersteuning in Siklus 2 ontvang, en omgekeerd.
3. Hierdie minuut dien om alle Fase 3-skole in te lig aangaande die logistieke vir die Junie- Julie opleiding.

24 Junie tot 28 Junie 2013 1 tot 5 Julie 2013 Opleiding sal strek oor 5 dae. Die datums is soos volg:

  • Maandag: Registrasie teen 8:00. Opleiding begin om 8:30 en eindig om 16:00
  • Dinsdag tot Donderdag: 08:30 tot 16:00
  • Vrydag: 8:30 tot 14:00

(Sien Bylae A vir lys van lokale.)

Onderwysdistrik Metro-Suid Onderwysdistrik Metro-Sentraal
Onderwysdistrik Metro-Oos Onderwysdistrik Metro-Noord
Onderwysdistrik Kaapse Wynland Onderwysdistrik Eden & Sentrale Karoo
Onderwysdistrik Weskus  

4. Die volgende onderwysers moet geregistreer word om die opleiding by te woon:

  • Skole wat taalopleiding en -ondersteuning in Siklus 1 ontvang (sien Bylae A) moet alle Grondslagfase-onderwysers (graad 1 tot 3), slegs die Intermediêre Fase-onderwysers wat tale onderrig (graad 4 tot 6) en die DH’s van albei fases registreer.

  • Skole wat taalopleiding en -ondersteuning in Siklus 1 ontvang (sien Bylae A)moet alle Grondslagfase-onderwysers (graad 1 tot 3), slegs daardie Intermediêre Fase-onderwysers wat Wiskunde onderrig (graad 4 tot 6) en die DH’s van albei fases registreer.

  • Die leerondersteuningsonderwyser wat die skool bedien, kan dit ook bywoon, waar toepaslik.

  • Die eenheid se klasonderwyser mag dit ook bywoon, waar toepaslik.
5. Registrasie

Stiptelike registrasie van die bogenoemde onderwysers is noodsaaklik vir die beplanning van 'n suksesvolle opleidingsweek. Prinsipale word dus versoek om die aangehegte registrasievorm (Bylae B) te voltooi en teen 29 Mei 2013 terug te besorg aan die betrokke AOO-distrikskoördineerder (sien hieronder).

Alle kursuslogistieke, met inbegrip van registers, kursusmateriale, sertifikate, spyseniering en lokale sal gebaseer word op die inligting wat in die vorm verskaf word. Akkuraatheid van hierdie inligting is dus uiters belangrik.


6. Reis

Onderwysers moet so ver as moontlik vervoer deel. 'n Reistoelaag sal betaal word op die volgende voorwaardes:

  • Volledige bywoning van opleidingskursus moet bevestig word.
  • Minimum reiseis: Die totale afstand wat vir die 5-dag-periode geëis word, moet 100 km oorskry, d.w.s. 'n minimum van 20 km retoer per dag.
  • Maksimum reiseis: Die totale afstand wat vir die 5-dag-periode geëis word, mag nie 700 km oorskry nie, d.w.s. dit mag nie meer as 140 km retoer per dag wees nie. Deelnemers wie se retoerreis 700km sal oorskry, word dus aangeraai om eerder vir akkommodasie te registreer (sien hieronder).
  • Alle eisvorms moet ingelewer word by die eisebeampte by die opleidingslokaal. Geen laat eise sal aanvaar word nie.
  • WKOD-onderwysers wat deur die PERSAL-stelsel betaal word, MOET hulle PERSAL-nommer verskaf.
  • Nie-WKOD-onderwysers wat nie deur die PERSAL-stelsel besoldig word nie MOET die aangehegte BAS Z76 voltooi en die bankbesonderhede in die vorm deur die bank laat verifieer en stempel VOOR die opleidingskursus.
  • Soorte eise:
Gebruik van eie motor Slegs die bestuurder of eienaar van die voertuig mag vir die kilometerafstand wat gereis is, eis.
'n Standaardtarief van R2.50 per kilometer sal betaal word.
Enjinslagvolume sal nie van toepassing wees nie.
Gebruik van privaat saamryklub Slegs die bestuurder of eienaar van die voertuig mag vir die kilometerafstand wat gereis is, eis.
'n Standaardtarief van R2.50 per kilometer sal betaal word.
Enjinslagvolume sal nie van toepassing wees nie.
Gebruik van 'n skoolbus Die skool moet 'n brief voorlê wat aandui dat die skoolbus gebruik is, met die name van die passasiers en die afstande wat gereis is.
'n Standaardtarief van R2.50 per kilometer sal betaal word.
Enjinslagvolume sal nie van toepassing wees nie.
Gebruik van 'n geregistreerde diensverskaffer

LW: Vooraf skriftelike goedkeuring moet van die AOO-distrikskoördineerder verkry word.

Die skool moet 3 kwotasies verkry en reël vir die huur van die diens met die laagste kwotasie. Die SKOOL moet die diensverskaffer betaal. Alle kwotasies moet gehou word as bewys vir die interne ouditeur.

Die WKOD sal die skool vergoed by ontvangs van die getekende dokumentasie, met insluiting van die geskrewe goedkeuring van die distrik se AOO-koördineerder.

Onderwysers moet reël dat die groep op 'n sentrale punt opgelaai word.

Gebruik van openbare vervoer, bv. taxi, bus, trein Eise moet die begin- en eindpunt van elke stadium van die reis aandui.

Vergoeding sal plaasvind ooreenkomstig die standaardtariewe.
Bewyse (kaartjies) kan versoek word deur die eisebeampte om die eis geldig te maak.

Geen taxi’s met meters mag vir eise gebruik word nie.


7. Akkommodasie en maaltye (waar van toepassing)

Akkommodasie en maaltye (aandete en ontbyt) sal alleenlik op die volgende basis verskaf word:

  • Die afstand na die opleidingslokaal moet meer as 120 km retoer per dag wees.
  • Volledige bywoning van opleidingskursus moet bevestig word.
  • Vanaf die eerste tot die laaste dag van die opleidingskursus, met die opsie om aan te kom tussen 16:00 en 18:00 op die Sondag voor die kursus begin.
  • Soorte akkommodasie wat gebruik kan word:
Koshuisakkommodasie VOO-kollege-koshuisakkommodasie is gereël, sonder enige koste vir onderwysers. Die volgende voorwaardes sal van toepassing wees:

  • Onderwysers moet die aangehegte registrasiestrokie (Bylae B) voltooi en terugstuur voor die keerdatum.
  • Koshuisakkommodasie sal geskied d.m.v. gedeelde kamers en onderwysers moet hulle eie beddegoed, handdoeke en toiletware saambring.
  • Plekke is beperk – die wat eerste kom, sal eerste gehelp word.
Geregistreerde gasvryheidsinrigtings, soos bv. bed-en-ontbyt-gastehuise, hotel Onderwysers wat verkies om nie in die koshuis te bly nie mag in 'n geregistreerde gasvryheidsinrigting oorbly. Die volgende voorwaardes sal van toepassing wees:

  • Onderwysers moet die aangehegte registrasiestrokie voltooi en (Bylae B) teen die keerdatum terugstuur.
  • 'n maksimum van R300 per dag mag geëis word vir aandete, bed en ontbyt.
  • 'n Oorspronklike faktuur van die instelling moet medeonderteken word deur die eiser en aan die eisebeampte by die opleidingskursus voorgelê word.
Familieakkommodasie Die volgende voorwaardes is van toepassing op onderwysers wat verkies om by familie oor te bly:

  • Onderwysers moet die aangehegte registrasiestrokie (Bylae B) voltooi en terugstuur voor die keerdatum.
  • 'n maksimum van R160 per dag mag geëis word vir aandete, bed en ontbyt.
  • Hierdie eis moet vergesel word van 'n beëdigde verklaring van die familielid of persoon wat die akkommodasie verskaf het, medeonderteken word deur die eiser en by die opleidingskursus ingelewer word.

8. Hoe om te eis

  • Daar sal 'n eisebeampte in elke opleidingslokaal wees om na die eise om te sien.

  • Alle eisvorms moet by die aangewese eisebeampte by die opleidingslokaal ingelewer word.

  • Hulp met die eise sal beskikbaar wees tydens tee- en etepouses en dit is verpligtend vir 'n eiser om van hierdie diens gebruik te maak en seker te maak dat sy/haar eis geldig en korrek is.

  • Geen laat eise sal aanvaar word nie.

  • Geen onvolledige eise sal aanvaar word nie.

  • Deelnemers of skole wat wil eis moet seker maak dat hulle die betrokke besonderhede en dokumente saambring na die kursus toe. Ter ondersteuning hiervan, let asseblief op die volgende:

    • WKOD-onderwysers wat deur die PERSAL-stelsel betaal word, MOET hulle PERSAL-nommer verskaf.

    • Nie-WKOD-onderwysers wat nie deur die PERSAL-stelsel vergoed word nie, moet die aangehegte BAS Z76 aan die eisebeampte voorlê. (Sien Bylae C.) Bankrekeningbesonderhede wat op die vorm verskyn, moet geverifieer en gestempel word deur die bank VOOR die opleidingskursus.

  • Slegs oorspronklike dokumente mag voorgelê word. Geen fakse of fotokopieë sal aanvaar word nie.

Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word.

Terugbetalings sal gemaak word slegs na deeglike ondersoek van die eis, en die WKOD behou hom die reg voor om die finale besluit te neem waar daar enige ongerymdheid is.


9. Navrae

Indien u enige navrae het, moenie huiwer om die betrokke distrikskoördineerder AOO te skakel, van wie die besonderhede hieronder verskyn nie:

Distrik Koördineerder Tel. E-pos Faks
Metro-Sentraal Avrille Morgendal 021 514 6770 amorgen@westerncape.gov.za 021 514 6953
Metro-Noord Malefo Makena 021 938 3104 mmakena@westerncape.gov.za 021 938 3183
Metro-Suid Fadli Wagiet 021 370 2041 Fwagiet@westerncape.gov.za 086 729 7055
Metro-Oos Ursula Esau 021 900 7051 Uesau@westerncape.gov.za 086 556 9519
Weskus Ebrahim Peck 021 860 1569 epeck@westerncape.gov.za 086 5900 730
Kaapse Wynland Edgar Johannes 023 348 4604 eajohann@westerncape.gov.za 086 531 0476
Eden en Sentraal Karoo Marietjie Beukes 044 803 8320 Marietjie.Beukes@westerncape.gov.za 086 242 1854

10. Prinsipale word versoek om seker te maak dat die inligting in hierdie minuut oorgedra word aan alle onderwysers en dat alle relevante registrasiebesonderhede by die AOO-distrikskoördineerder gelaat word teen nie later nie as 29 Mei 2013.

11. Die WKOD sien daarna uit dat u skool sal deelneem aan Fase 3 van hierdie intervensie as 'n positiewe reaksie op die uitdaging wat ons in die gesig staar om die vlakke van geletterdheid en gesyferdheid te verbeter sodat verseker kan word dat alle leerders in staat sal wees om te lees, skryf en reken op aanvaarbare internasionale vlakke.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:05:21

Bylae A: Skole en vergaderplekke vir taalopleiding  (grootte: 28 KB)
Bylae B: Registrasie vir taalopleiding  (grootte: 32 KB)
Bylae C: "BAS Creditor payment"  (grootte: 30 KB)