| 1. |
Die AstroQuiz is 'n wetenskapkompetisie vir graad 7-leerders wat gebaseer is op astronomieverwante temas. Dit is ook verwant aan die "Aarde en die Ruimte" afdeling in die Natuurwetenskap-sillabus |
| 2. |
Die AstroQuiz is 'n projek wat deur die Suid-Afrikaanse Agentskap vir Wetenskap en Tegnologiese Vooruitgang befonds is, en word provinsiaal deur die Suid-Afrikaanse Astronomiese Observatorium (SAAO) geloods. Die projek is daarop gemik om
- 'n belangstelling in die wetenskap in primêre skole aan te moedig;
- klaskamerpraktyk te verbeter;
- bewustheid en insig te skep in basiese sterrekunde, wetenskap en wiskunde,
en
- die bevordering van 'n belangstelling van loopbaangeleenthede in die sterrekunde en ander wetenskappe.
|
| 3. |
Die Wes-Kaap Onderwysdepartement (WKOD) moedig skole aan om aan die 2013 AstroQuiz deel te neem. |
| 4. |
Die AstroQuiz is 'n kompetisie wat slegs in Engels aangebied word. Die hulpbronpak vir die AstroQuiz, insluitende die vorige jare se vraestelle, sal deur die SAAO afgelewer word by die skole wat deelneem. |
| 5. |
Die WKOD versoek alle skole om die AstroQuiz hulpbronpak en vraestelle te gebruik om leerders voor te berei wat die vasvra gaan skryf. Dit moet 'n oop boek aktiwitieit wees vir groepe van vier leerders, met elke groep wat as 'n span saamwerk. |
| 6. |
Besonderhede en belangrike datums ten opsigte van die vasvra word voorsien in die aangehegte inligtingstuk, (AQ_Information_2013), op die briefhoof van die NNS / SAAO.
|
| 7. |
Die eerste twee rondtes van die provinsiale AstroQuiz sal op skoolvlak plaasvind. Rondte 1 sal op Vrydag, 12 April 2013 plaasvind, en die tweede Rondte op Vrydag, 7 Junie 2013. |
| 8. |
Provinsiale Rondtes 3 en 4 sal saam plaasvind op Vrydag, 26 Julie 2013, by die SAAO in Observatory, Kaapstad. Die wenskool sal die provinsie verteenwoordig by die nasionale kompetisie op Vrydag, 25 Oktober 2013. Die vergaderplek vir die finale nasionale wedstryd sal later bekend gemaak word. |
| 9. |
Die laaste dag van registrasie is Donderdag 28 Maart 2013. Belangstellende skole moet direk registreer met die SAAO. Gebruik die aangehegte registrasievorm, (AQ_registration form_2013), en faks of e-pos dit aan die SAAO. Skole wat beplan om die vasvra aanlyn te doen, moet die webwerf besoek om te registreer by astroquiz.saao.ac.za. Die aanlynstelsel vereis Internet Explorer 9 (of latere weergawes), Firefox, of Safari, indien Mc.OS gebruik word. Maak seker dat u die nuwe weergawe so gou as moontlik installeer indien die skool 'n ou weergawe gebruik.
|
| 10. |
Graad 7-onderwysers van deelnemende skole sal genooi word, deur die SAAO, na 'n eerstehandse Astronomie sagteware werkswinkel. Hulle sal bekendgestel word aan opwindende sterrekunde sagteware wat gebruik kan word in die klaskamer om die leerders meer in hierdie vak te betrek. |
| 11. |
Prinsipale word versoek om hierdie omsendbrief onder die aandag van die Natuurwetenskap onderwyers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- & ASSESSERINGSBESTUUR
DATUM: 2013:03:14
|
 |