| 1.1 |
Een van die primêre doelwitte van die Wes-Kaap Onderwysdepartement (WKOD) is die plasing van soliede fondasies in geletterdheid en gesyferdheid in primêre skole. Deur dit toe te pas, verhoog ons die leerders se slaagsyfers. Om dit te bereik, moet 'n aantal belangrike provinsiale intervensies geïmplementeer word. |
| 1.2 |
Een van hierdie intervensies is om die WKOD se Geletterdheids- en Gesyferdheidsintervensies, wat die deelname van alle onderwysers behels, van graad 1 tot 6, wat Taal- en Wiskunde-onderrig, in alle openbare primêre skole. |
| 1.3 |
U skool is gekies om deel te neem aan die Fase 3-intervensie, wat strek vanaf 25 Junie 2013 tot en met 30 Junie 2013. |
| 2. |
WKOD Geletterdheids- en Gesyferdheidsintervensie vir Graad 1 tot 6 |
| 2.1 |
Die intervensie strek oor 'n tydperk van 8 jaar, 2008 tot 2016. Dit is opgedeel in 4 fases, wat ongeveer 250 skole per fase insluit. Elke fase neem 2 jaar om te voltooi, en dit sluit voortdurende opleiding, ondersteuning, mentorskap en afrigting in Taal en Wiskunde, in. |
| 2.2 |
Die intervensie maak gebruik van kundigheid en spesialiste in Taal- en Wiskundeonderrig, in samewerking met opgeleide WKOD-kurrikulumadviseurs. |
| 2.3 |
Die intervensie is gemik op die verbetering van die onderrig van Tale en Wiskunde deur die gebruik van metodologieë wat nagevors is, en bewys lewer dat dit effektief is in alle kontekste. Daardeur word alle leerders se kanse op sukses verhoog. |
| 2.4 |
Tot op hede, is opleiding en ondersteuning gegee aan 250 Fase 1 skole, (vanaf Junie 2009 tot Junie 2011), en 258 Fase 2 skole, (vanaf Junie 2011 wat voortgaan tot en met Junie 2013). 'n Eksterne evaluasie van die effek van intervensie deur die Gesamentlike Onderwys Trust, dui op 'n positiewe verandering in die houding van die onderwysers teenoor hierdie vakke, terwyl preliminêre analises van die 2012 Jaarlikse Nasionale Assesserings en die WKOD se Sistematiese Toetsresultate 'n opwaartse tendens geïdentifiseer het. |
| 3. |
Fase 3 implementering (Junie – Julie 2015) |
| 3.1 |
Onderwysersopleiding vir Fase 3 sal gedurende die Junie-Julie skoolvakansie geskied oor 'n tydperk van 5 dae, vir die periode van 24 Junie tot en met 5 Julie 2013. U skool sal een van die opleidingsweke bywoon. Skole word dus versoek om hierdie datums te reserveer. |
| 3.2 |
Logistieke besonderhede van die Junie-Julie 2013 opleiding sal mettertyd volg. |
| 3.3 |
Inligtingsessies sal onderneem word met al die Fase 3 skole. U distrikskantoor sal u in kennis stel oor die datums en plek vir hierdie sessies. Let asseblief daarop dat dit uiters belangrike sessies is, aangesien hulle die fondasies vir die volgende 2 jaar lê. |
| 4. |
Die verbetering van leerders se Taal en Wiskunde is noodsaaklik vir alle fases en fasette van onderwys. Ons hoop dus dat u skool hierdie unieke bydra sal verwelkom om te verseker dat alle leerders in ons provinsie in staat is om te lees, skryf en reken op die vereiste vlakke. |
| 5. |
Maak asseblief seker dat die inhoud van hierdie minuut onmiddellik onder die aandag van alle onderwysers, skoolbestuur en die skool se beheerliggaam gebring word. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:03:11
|
 |