1. Op 12 September 2012, het die nasionale Departement van Basiese Onderwys, Staatskoerant 34600 gepubliseer. Dit het aangekondig dat die Nasionale Kurrikulumverklaring (NKV) uit die volgende dokumente bestaan:

  1. Die Kurrikulum- en Assesseringsbeleidsverklaring (KABV) vir alle goedgekeurde vakke vir graad R – 12 (KABV)

  2. Die Nasionale Beleid oor die vordering- en bevorderingsvereistes van die NKV vir
    graad R-12

  3. Die Nasionale Protokol vir Assessering

Staatskoerant 34600, het bepaal dat die KABV vir die Grondslagfase geïmplementeer moet word vanaf Januarie 2012, die Intermediêre Fase vanaf Januarie 2013, en die Senior Fase vanaf Januarie 2014. Let daarop dat KABV tans geïmplementeer word in ooreenstemming met die beleid mandate in die Grondslag en Intermediêre Fase.

2. Hierdie minuut dien as 'n eerste kommunikasie om skole en onderwysdistrikskantore in te lig van die Wes-Kaap Onderwysdepartement se provinsiale uitrolplan vir die NKV (KABV) in die Senior Fase.

3. Skole en distrikskantore word vriendelik versoek om die datums op die uitrolplan, te reserveer, vir die doeleindes, soos hieronder aangedui:

Teikengroep Datums in 2013 Doel
Hoofde: Kurrikulumkoördinering en -advies, koördineerders, kurrikulumadviseurs 13 -17 Mei 2013 DBO opleiding van kurrikulumadviseurs
Hoofde: Kurrikulumkoördinering en -advies, AOO-koördineerders, kurrikulumadviseurs 20 -24 Mei 2013 WKOD opleiding van kurrikulum adviseurs
Leieronderwysers 31 Mei 2013 & 1 Junie 2013 en 7 - 8 Junie 2013 Provinsiale opleiding van Senior Fase leieronderwysers
Alle ander distriksamptenare, insluitende kringspanbestuurders, bestuurders, Hoofde IBB-koördinering en -advies, leerondersteunings-adviseurs 18 – 21 Junie 2013 Opleiding van alle ander distriksamptenare
Graad 7 tot 9 onderwysers 8-11 Julie 2013 Kringgebaseerde opleiding van Senior Fase (NKV (KABV)
Alle prinsipale van skole met Senior Fase grade 12 Julie 2013 Distrikgebaseerde oriëntasie Senior Fase NKV (KABV)

4. Alle onderwysers, skoolbestuurspanne en relevante amptenare:

  • moet in staat wees om die implementering van die NKV (KABV) in die Senior Fase van 2014 aan te voer en/of te ondersteun, en

  • is verplig om die NKV (KABV) oriëntasie by te woon, en te verseker dat die beplanning vir 2014 ooreenstem met die NKV (KABV).
5. Verdere inligting oor logistieke sake sal nader aan die bogenoemde voorsien word.
6. Skoolhoofde en distriksdirekteure word vriendelik versoek om hierdie minuut onder die aandag van alle personeel te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:02:26

Staatskoerant 34600  (grootte: 115 KB)