| 1. |
Die nasionale Natuurwetenskap Olimpiade is 'n projek wat deur Edcon geborg word deur die Suid-Afrikaanse Agentskap vir die Bevordering van Wetenskap en Tegnologie (SAASTA). Die Olimpiade strewe daarna
- om 'n belangstelling in wetenskap by leerders te skep en om hulle aan te moedig om die wetenskappe in die VOO-fase te bestudeer;
- om die Natuurwetenskappe-leerders wat nasionaal die beste presteer te identifiseer;
- om onderwysers van Natuurwetenskappe te ondersteun en hulle klaskamerpraktyk te verbeter; en
- om talent onder leerders van Natuurwetenskappe te identifiseer.
|
| 2. |
Die Olimpiade is 'n stimulerende aktiwiteit wat van deelnemers verwag om kritiese denke, probleemoplossingsvermoens, innovasie en kreatiwiteit, te toon. Dit ondersteun die Wes-Kaap Onderwysdepartement (WKOD) se Strategie vir Wiskunde en Fisiese Wetenskap. Daar is indrukwekkende pryse om deur die toppresteerders van die Olimpiade gewen te word. |
| 3. |
In 2013 het 64 primere skole in die Wes-Kaap Onderwysdepartement (WKOD) aan die Olimpiade deelgeneem. Die volgende pryse is aan die Wes-Kaap se wenners in die nasionale kategorie toegeken:
| Naam van skool |
Van en voorletters van leerder |
Graad |
% behaal |
Prys |
| Sunlands Primêr |
Jasson D |
6 |
83 |
Tablet, trofee, medalje en sertifikaat |
| Star International |
Hoosain M I |
6 |
82 |
Tablet, trofee, medalje en sertifikaat |
| Eikestad Laerskool |
Van Wyk T M |
6 |
82 |
Tablet, trofee, medalje en sertifikaat |
| Laerskool Kleinmond |
Toppresterende skole nasionaal – 3de prys |
Trofee en 'n laboratorium toerusting-bewysstuk vir R4000 |
|
| 4. |
Talentvolle leerders soos hierdie moet erken en aangemoedig word in ons skole. |
| 5. |
Die Olimpiade is 'n veelkeuse-eksamen wat slegs in Engels aangebied word. Dit word in twee kategorieë verdeel: Intermediêre Fase en Senior Fase. Dit sal afgeneem word van 09:00 - 12:00 op Donderdag, 8 Mei 2014. Die sluitingsdatum vir die registrasie is Vrydag, 31Januarie 2014. |
| 6. |
Die WKOD moedig skole aan om belowende wetenskapleerders in graad 4 tot 9 in te skryf vir die 2014 Natuurwetenskappe Olimpiade. |
| 7. |
Let op dat die Olimpiade verpligtend is vir alle leerders in Dinaledi Hoof- en Dinaledi Insentiefskole. |
| 8. |
Die deelnemingsgeld vir die Olimpiade is R10.00 per leerder. Die gelde moet direk in die SAASTA-bankrekening gedeponeer word. Die besonderhede word op die inskrywings-vorm genoem. Daar is geen beperking op die aantal leerders wat ingeskryf mag word nie. |
| 9. |
Skole word versoek om die integriteit van die Olimpiade te handhaaf deur versigtige toesighouding. 'n Onreëlmatigheid sal 'n skool outomaties van deelneming aan die Olimpiade diskwalifiseer. |
| 10. |
Skole word versoek om die aangehegte registrasievorm in te vul en te onderteken (Addendum A en B) en dit per faks of e-pos terug te stuur, direk na SAASTA teen nie later as 14:00 op Vrydag, 31 Januarie 2014. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:12:04
|
 |