1. Navorsing het getoon dat baie leerders tekortskiet in toetse wanneer hulle met vrae op hoër kognitiewe vlakke te doen kry. Die Wes-Kaap Onderwysdepartement (WKOD) het, met die hulp van kundiges, en in 'n poging om leerders se vaardighede in hierdie twee areas te verbeter, gidskaarte vervaardig om onderwysers te help met die ontwikkeling van denke op hoër kognitiewe vlakke en probleemoplossingsvaardighede van leerders. Gidskaarte is kaarte wat langsaan tekste geplaas word en gebruik word om vrae, bespreking en begrip aan te spoor.
2. Alle skole sal die volgende ontvang vir gebruik in graad 1 tot 6:

Tale

Elke graad 1 tot 6 klas sal die volgende gidskaarte oor vraag-antwoord tegnieke ontvang (in die taal van leer en onderrig van die skool, en in leesstadiums ingedeel):

  • 1 Ontluikende leesvlak kaart (vir onderwyser se gebruik)
  • 1 Vroeë leesvlak kaart (vir onderwyser se gebruik)
  • 1 Vlotleesvlak kaart (vir onderwyser se gebruik)
  • 12 Onafhanklike leesvlak kaarte (vir leerder se gebruik in groepe)

Wiskunde

Elke graad 3 tot 6 klas sal 20 Wiskunde probleemoplossing ondersteuningskaarte ontvang, wat deur leerders, in pare, gedeel moet word.
3. Die gidskaarte vir Tale en Wiskunde moet tydens die aangewese onderrigtyd vir hierdie twee vakke gebruik word.
4. Onderwysers sal 'n stel riglyne oor die gebruik van die gidskaarte ontvang.
5. Aflewering van pakkette sal in Augustus/September 2013 deur 'n aangestelde diensverskaffer plaasvind.
6. Departementshoofde word versoek om die gebruik van die kaarte te monitor en die nodige ondersteuning aan onderwysers te bied. Die riglyne wat voorsien word is selfverduidelikend.
7. Onderwysdistriksamptenare sal ook ondersteuning bied tydens groepsessies en tydens ondersteuningsbesoeke aan klaskamers.
8. Die WKOD hoop dat hierdie bronne die verlangde resultate sal oplewer, en skole word aangemoedig om hulle tot die maksimum te benut.
9. Prinsipale word vriendelike versoek om hierdie minuut onder die aandag van alle graad 1 tot 6 opvoeders te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR DATUM: 2013-
DATUM: 2013:09:05