| 1. |
Sondag, 8 September 2013 is Internasionale Geletterdheidsdag. Dit spits die aandag wêreldwyd op die belangrikheid van geletterdheid toe. |
| 2. |
Die Wes-Kaap Onderwysdepartement (WKOD) moedig alle skole aan om Internasionale Geletterdheidsdag op Maandag, 9 September 2013, te vier. |
| 3. |
Skole word versoek om leesaktiwiteite vir alle grade te organiseer wat tot 9 September sal duur. |
| 4. |
Die WKOD stel voor dat elke leerder 'n boek kies van sy of haar keuse (fiksie of niefiksie) om oor 'n aantal dae te lees. 'n Daaglikse leesrekord (Sien Bylae 1 vir 'n voorbeeld) sal elke leerder lei oor die getal bladsye wat elke dag gelees moet word. Dit sal deur die onderwyser bepaal word. Leerders mag natuurlik meer as een boek lees en dit moet gelys word op 'n boekmoniteringsvorm (sien Bylae 2 vir voorbeeld), wat deur die onderwyser gemonitor word. |
| 5. |
Die leesaktiwiteit moet 'n hoogtepunt bereik op 9 September 2013 waar leerders met ander deel wat hulle gelees het, asook 'n opsomming skryf van die boek wat hulle gelees het. Die gebruik van klas- en skoolgebaseerde aansporings word aangemoedig vir leerders wat in hierdie opsig inisiatief aan die dag gelê het. |
| 6. |
Prinsipale word vriendelik versoek om die inhoud van hierdie minuut onder die aandag van alle Taalonderwysers van graad R tot 9 te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:09:02
|
 |