1. Elke skool sal twee boekies in Engels ontvang, getiteld Money in Action, vir onderwysers van Ekonomiese en Bestuurswetenskappe (EBW) vir graad 7 tot 9. Die boekies is verskaf deur die Raad op Finansiële Dienste en word vergesel van 'n plakkaat, gedetailleerde lesplanne, en aktiwiteitsblaaie en nasienmemorandums oor gekose onderwerpe in die EBW-sillabus, soos bevat in die Kurrikulum- en Assesseringsbeleidsverklaring (KABV).

2. Hierdie materiaal moet beskou word as aanvullende onderwys- en leermateriaal, wat gebruik kan word wanneer die volgende onderwerpe in EBW behandel word:

Die ekonomie: Basiese behoeftes en wense, regeringsinkomste
Finansiële geletterdheid: Persoonlike spaarrekening, besigheidsbegroting, brondokumentebesparings, KOJ, krediettransaksies
Entrepreneurskap: Entrepreneursdagbegroting, faktore van produksie, sektore van die ekonomie, funksies van 'n besigheid
3. Die materiaal is voorberei ooreenkomstig die Jaarlikse Onderrigplan, soos vervat in die EBW KABV, sodat dit in klaskameronderrig geïnkorporeer kan word. Elke lesplan bevat die onderwerp, ondertitels, kwartaal en week (soos vervat in die Jaarlikse Onderrigplan), klasaktiwiteite en nasienmemorandums. Ons hoop ook dat hierdie bron gebruik sal word as 'n model vir onderwysers wanneer hulle hulle eie EBW-lesse beplan.

4. Verspreiding van die Money in Action-hulpbronne aan alle openbare primêre en hoërskole in die Wes-Kaap sal gedurende September 2013 plaasvind. Skakel asseblief u distrik EBWkurrikulumadviseur indien u enige navrae het.

5. Die Stigting vir Finansiële Verbruikersdienste erken die bydraes van die volgende tot die produksie en hersiening van die Money in Action-hulpbron:

  • Beamptes van die Departement van Basiese Onderwys
  • Personeel van die Verbruikersraad van die Onderwysdepartement by die Finansiëlediensteraad
  • Die Suid-Afrikaanse Versekeringsmaatskappy
  • Die Onderwysstigting van die Finansiële Verbruikersdienste
6. Prinsipale word versoek om die inhoud van hierdie minuut onder die aandag van al die EBW- onderwysers van die skool te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:09:02