1. Die Wes-Kaap Onderwysdepartement (WKOD) bied lesse aan wat gedurende die tydperk 8 Mei tot 31 Oktober 2013 via die interaktiewe Telematiese platform uitgesaai word (lesse word via satelliettegnologie vanaf die Universiteit Stellenbosch gebeeldsend). Lesse sal vanaf 15:00 tot 17:00 op sekere weeksdae regstreeks deur ervare onderwysers aangebied en uitgesaai word by die 145 geselekteerde skole in die agt onderwysdistrikte van die Wes-Kaap.

2. Lesse in die volgende vakke van die Nasionale Senior Sertifikaat sal uitgesend word:

  • Wiskunde
  • Fisiese Wetenskappe
  • Rekeningkunde
  • Geografie
  • Lewenswetenskappe
  • Engels HT
  • Afrikaans HT
3. Die aangehegte Bylae A verskaf die lesrooster van die WKOD.

4. Elk van die 145 skole sal leerondersteuningsmateriaal ontvang vir die vakke wat aangebied word. (Sien lys van skole in die aangehegte Bylae B.) Die ondersteuningsmateriaal sal afgelewer word aan die onderwysdistrikskantore en sal vandaar onder die skole versprei word.

5. Die aanbieders is leidende onderwysers wat gekies is vir hulle kundigheid in hulle vakke.

6. Van vakonderwysers by elke skool sal verwag word om leer gedurende die regstreekse uitsendings te bestuur en te monitor.

7. Aangesien lesse deur die week na skoolure aangebied word, is dit uiters noodsaaklik dat prinsipale die reëlings met ouers van graad 10-, 11- en 12-leerders asook met hulle beheerliggame sal bespreek.

8. Die bywoning van leerders sal gereeld deur hoofkantoor- en distriksbeamptes gemonitor word.

9. Van prinsipale sal verwag word om weekliks verslag te doen van bywoning deur leerders, sowel as van die uitdagings en suksesse van die program.

10. DVD’s van die uitsendings kan teen 'n nominale prys aangekoop word deur EDUMEDIA by tel. no. 021 689 9536 te skakel. Hulpbronmateriaal is ook beskikbaar op die WKOD Kurrikulumontwikkeling se webtuiste by http://curriculum-dev.wcape.school.za

11. 'n Onlangse ontwikkeling in Telematiese ondersteuning is die byvoeging van die Noord-Kaap Onderwysdepartement, wat ondersteuning bied aan hulle graad 12-leerders. Al die lesse wat deur hulle aangebied word, kan besigtig word by die WKOD se 145 projekskole. Hulle rooster is aangeheg as Bylae C. Bywoning van hierdie lesse is opsioneel aangesien geen drukstukke van die ondersteuningsmateriaal aan WKOD-skole voorsien word nie. Die elektroniese weergawes van hierdie lesse sal op die WKOD Kurrikulumontwikkeling se webtuiste verskyn en sal afgelaai kan word.

12. Ons sien daarna uit om hierdie interessante projek saam met u mee te maak.

13. Indien u enige navrae het oor hierdie inisiatief, voel vry om Walter Mercuur te kontak by tel. 021 467 2630 of e-posadres walter.mercuur@westerncape.gov.za

14. Prinsipale word versoek om die inhoud van hierdie minuut onder die aandag van alle betrokke personeel, graad 10-, 11-, 12-leerders en hulle ouers of voogde te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:04:23

Bylae A: "Telematics Learner Support Programme Broadcast Schedule 2013"  (grootte: 51 KB)
Bylae B: "Schools presenting lessons on Telematics platform"  (grootte: 39 KB)
Bylae C: "Telematics Schedule for 2013"  (grootte: 55 KB)