1. Die Departement van Basiese Onderwys sal sy 4de Aksieprogram-vir-Jong-Burgers-kompetisie in 2013 aanbied. Die kompetisie behels graad 10-leerders in aktiwiteite wat fokus op sosiale kwessies van belang vir hulle skool of gemeenskap.

2. Hierdie kompetisie poog om leerderbewustheid van die waardes wat die Konstitusie rugsteun te ontwikkel deur hul betrokkenheid by maatskaplike kwessies wat verband hou met die graad 10 KABV vir Lewensoriëntering. Daar word van leerders verwag om positiewe verandering teweeg te bring in die gekose kwessie.

3. Die kompetisie stipuleer dat 'n span van tien graad 10-leerders 'n projek kies en die riglyne en struktuur volg soos voorgeskryf in die projekmateriaal wat aan skole voorsien sal word. Daar word van leerders verwag om aan te dui dat hulle in staat is om vir die projek te begroot, en die geld wat hulle insamel en spandeer, na te spoor. Die span moet ook aandui hoe bemagtig hulle is deur 'n professionele portefeulje saam te stel en dit mondelings op 'n duidelike wyse en met vertroue te kan aanbied.

4. Pryse sal op provinsiale en nasionale vlakke aan skole toegeken word:
4.1 Provinsiaal: Die wenskool ontvang R5 000,00 om op die uitbreiding van die projek te spandeer. Die tweede-plek-wenner skool ontvang R2 000,00 en die derde-plek-wenner skool ontvang R1 000,00. Die wenskool sal die provinsie op nasionale vlak verteenwoordig.
4.2 Nasionaal: Die wenskool ontvang R10 000,00 om op die uitbreiding van die projek te spandeer. Die tweede-plek-wenner skool ontvang R7 500,00 en die derde-plek-wenner skool ontvang R5 000,00.
4.3 Elke lid van die eerste plek spanne wat eerste, tweede en derde geplaas word, sal 'n Platinum Sertifikaat vir Deelname ontvang.
4.4 Alle vervoer- en akkommodasiekostes wat met die nasionale kompetisie geassossieer word sal deur die borg gedek word.

5. Die Wes-Kaap Onderwysdepartement wil graag alle skole aanmoedig om vir hierdie kompetisie in te skryf. Om in te skryf, voltooi die aangehegte registrasievorm en stuur dit terug aan mev DJ Christiaans teen 20 April 2013. Dit mag gefaks word na 021 467 2258 of e-pos dit na Daleen.Christiaans@westerncape.gov.za.

6. Vir meer inligting oor die kompetisie, kontak asseblief mev DJ Christiaans by tel no 021 467 2589 of die Kurrikulumadviseur vir Lewensoriëntering by u distrikskantoor.

7. Bring asseblief hierdie minuut onder die aandag van graad 10 Lewensoriëntering-onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:04:05

Registrasievorm  (grootte: 25 KB)