1. Op 12 September 2011 het die nasionale Departement van Basiese Onderwys, Staatskoerant 34600, gepubliseer. Dit het aangekondig dat die Nasionale Kurrikulumverklaring (NVK) uit die volgende dokumente bestaan:

  1. Die Kurrikulum- en Assesseringsbeleidsverklaring (KABV) vir alle goedgekeurde vakke vir graad R – 12 (KABV)

  2. Die Nasionale Beleid oor die vordering- en bevorderingsvereistes van die NKV vir graad R -12

  3. Die Nasionale Protokol vir Assessering
2. Staatskoerant 34600 het bepaal dat die KABV vir die Verdere Onderwys- en Opleidingsfase soos volg geïmplementeer sou word:

  • 2012: Graad 10
  • 2013: Graad 11
  • 2014: Graad 12
3. Hierdie minuut dien as 'n kommunikasie om skole en onderwysdistrikskantore in te lig van die Wes-Kaap Onderwysdepartement se plan vir die oriëntering van graad 12-onderwysers.

4. Graad 12-onderwysers sal in hulle onderwysdistrikte opgelei word. Datums en lokale sal deur die distrikskantoor gereël word.

5. Oriënteringsessies vir die volgende vakke sal deur Hoofkantoor gereël word:

Kunsvakke
Ingenieursvakke
Inligtingstegnologie
Landbouvakke

6. Addisionele oriënteringsessies in die vorm van vakinhoudopleiding, sal deur die Direktoraat: Kurrikulum VOO (Hoofkantoor) gereël word. Onderwysers sal voor 30 April 2013 na hierdie sessies uitgenooi word.

7. Die vakinhoudopleiding sal deur die senior kurrikulumbeplanners in samewerking met die kurrikulumadviseurs gedurende die tweede week van die Junie/Julie-vakansie, te wete 1 tot 5 Julie 2013, aangebied word.

8. Bring asseblief die inhoud van hierdie minuut onder die aandag van alle graad 12-onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:03:11

Staatskoerant 34600  (grootte: 115 KB)