1. Skole het verlof om hulle leerders gedurende skoolure na die Kunstekaap-teatersentrum te neem om teateropvoerings uit voorgeskrewe boeke by te woon. Bywoning van sodanige opvoerings sal beskou word as opvoedkundige uitstappies.

2. Die volgende voorgeskrewe werke sal in 2013 by die Kunstekaap opgevoer word:

TAAL GRAAD TITEL SKRYWER DATUMS TYD
Afrikaans Huistaal 12 Poësie Vosloo, R. et al. 14 tot 24 Mei 2013 10:30
Engels Eerste Addisionale Taal 12 Nothing but the Truth John Kani 26 April tot 10 Mei 2013 10:30
Xhosa Huistaal 12 Amaza Z S Qangule 13 tot 25 Mei 2013 10:30

3. Kaartjies vir leerders en onderwysers kos R40.00 elk. Vir inligting oor blokbesprekings en die betaalwyse word skole aangeraai om een van die volgende nommers te skakel: 083 915 8000 / 011 340 8178 / 021 421 7695. Kaartjies kan ook by Computicket of Shoprite-Checkers gekoop word. Niemand sal toegang tot die ouditorium verkry sonder 'n kaartjie nie.

4. Vervoer

Indien u vervoer nodig het vir u leerders na en van die teater af, skryf 'n kort briefie aan Kunstekaap om vervoer te versoek, dui aan die getalle leerders en onderwysers en verskaf 'n kort motivering. Rig u versoek aan die volgende adres:

Riaan Visman
Artscape Theatre
D F Malan Straat
Kaapstad
8001
E-pos adres: slu@artscape.co.za

5. Opvoedkundige Voordele
5.1 Om 'n teaterproduksie van 'n voorgeskrewe werk by te woon word beskou as 'n uitbreiding van klaskameronderrig.
5.2 Leerders sal 'n groter insig verkry in die voorgeskrewe werk, wat weer hulle eksamenprestasie sal verbeter.
5.3 Leerders sal blootgestel word aan 'n wêreld verskillend van hulle plaaslike gemeenskapsomgewing.
5.4 Dit sal bydra tot die leerder se lewensgehalte en vaardighedeontwikkeling.
5.5 Leerders sal blootgestel word aan die kunste en teater as 'n moontlike beroepskeuse.

6. Die senior kurrikulumbeplanners vir Afrikaans, Engels en Xhosa sal aktiwiteitsblaaie verskaf wat leerders na die opvoerings kan voltooi. Hierdie aktiwiteitsblaaie sal onder skole versprei word deur die taalkurrikulumadviseurs in die onderwysdistrikte.

7. Taalonderwysers word aangemoedig om addiosionele aktiwiteite vir die leerders te beplan wat voor, tydens en na die opvoering gedoen moet word om die leerervaring sodoende te vergroot.

8. Taalonderwysers word aangemoedig om alles in die werk te stel om hulle leerders te neem om hierdie lewendige opvoerings by te woon.

9. Skole sal verdere inligting direk van die Kunstekaap Teatersentrum ontvang.

10. Bring asseblief die inhoud van hierdie minuut onder die aandag van al u taalonderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:02:19