| 1. |
Die Wes-Kaap Onderwysdepartement (WKOD) bied gedurende Februarie-Maart 2013 lesse via die Telematiese program (lesse word via satelliettegnologie uitgesaai) aan vir huidige Graad 12-leerders en kandidate wat die aanvullende Nasionale Senior Sertifikaat-eksamen (NSS-eksamen) afle. Die uitsendings begin op 17 Februarie en eindig op 28 Maart 2013. Lesse sal deur ervare Graad 12-onderwysers aangebied word en regstreeks uitgesaai word na 145 geselekteerde skole in die agt onderwysdistrikte van die Wes-Kaap. Die uitsendings sal op weeksdae van 15:00 tot 17:00 en op Sondae van 14:00 tot 18:00 plaasvind. |
| 2. |
Die NSS-vakke wat aangebied word, is die volgende:
- Wiskunde
- Fisiese Wetenskappe
- Rekeningkunde
- Geografie
- Lewenswetenskappe
- Engels HT
- Afrikaans HT
|
| 4. |
Kandidate wat die aanvullende eksamen skryf, kan die uitsendings by 'n Telematies-toegeruste skool naaste aan hulle woonplek bywoon. (Sien Bylae B vir die ligging van hierdie skole.) Hierdie kandidate word versoek om die betrokke vraestel(le) wat hulle in Oktober¡VNovember 2012 geskryf het asook hulle eie skryfbehoeftes na die lesse saam te bring. |
| 5. |
Kandidate wat nie toegang het tot enige skool soos in Bylae B genoem word nie, kan ondersteuningslesse op DVD's teen 'n nominale prys van die WKOD aankoop, deur EDUMEDIA by 021 6899536 te skakel. |
| 6. |
Prinsipale van Telematies-toegeruste skole word versoek om te verseker dat alle Graad 12 leerders van hul skole wat die gelyste vakke aanbied, wel die uitsendings bywoon. |
| 7. |
Prinsipale van nie-Telematiese skole word versoek om kandidate wat die aanvullende eksamen skryf aan te moedig en te ondersteun om van hierdie geleentheid gebruik te maak. |
GETEKEN: SM NAICKER
WAARNEMENDE: ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:01:25
|
 |