| 1. |
Die Statebond Sekretariaat, in samewerking met die Britse Raad, het die Skoleaanlyninisiatief (Schools Online Initiative) geloods. |
| 2. |
Die doel van hierdie inisiatief is om onderwyshulpbronne te voorsien, sowel as aanlyndebatte en aktiwiteite tussen skole te reël, as 'n aanloop tot die 2014-Statebondspele wat deur Skotland aangebied sal word. |
| 3. |
Die inisiatief is ook daarop gemik om skole en kinders deur die Statebond te verbind met toeganklike leerhulpbronne oor 'n verskeidenheid temas, om deel te neem aan aanlynwisselwerking en -forums, en om aan samewerkingsprojekte in interstreek Statebondspanne te werk. |
| 4. |
Die Skole-aanlyninisiatief sal Suid-Afrikaanse onderwysers en leerders 'n geleentheid bied om idees en beste praktyke met die internasionale onderwysgemeenskap te deel. Dit mag ook geleenthede vir kulturele uitruilaktiwiteite bied. |
| 5. |
Die inisiatief is ook daarop gemik om die waardes van die Handves van die Statebond die klaskamer in te bring en sal toeganklik wees vir ongeveer 100 000 skole, 300 000 onderwysers en 17 miljoen jongmense. |
| 6. |
Aangesien Suid-Afrika 'n lid is van die Statebond, sal die Departement van Basiese Onderwys die inligting op hul webtuiste: www.education.gov.za plaas. |
| 7. |
Die WKOD moedig alle skole aan om aan hierdie opwindende inisiatief deel te neem. |
| 8. |
Bring asseblief die inhoud van hierdie minuut onder die aandag van alle betrokke onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:09:16
|
 |