1. Die WKOD, in samewerking met Times Media Education, het drie hulpbylae vir graad 10 en graad 12 saamgestel. Times Media sal hierdie hulpbylae gedurende die tydperk 1 tot 20 September 2013 by skole aflewer.

2. Met ontvangs van die hulpbylae, word skole versoek om die bewys van afleweringsvorm te teken en te stempel.

3. Die drie hulpbylae is soos volg:
3.1 The Sunday Times Grade 10 Essentials

Hierdie hulpbylae dek belangrike aspekte van Rekeningkunde, Wiskunde, Lewenswetenskappe en Fisiese Wetenskappe wat leerders dalk moeilik kan vind.
3.2 The Sunday Times Grade 10 Q & A

Hierdie hulpbylae voorsien voorbeeldvraestelle en memorandums in Rekeningkunde, Wiskunde, Lewenswetenskappe, Fisiese Wetenskappe en Engels Eerste Addisionele Taal. Dit sal leerders help om vir die eksamens voor te berei.
3.3 The Sunday Times - Sowetan Matric Q & A

Leieronderwysers in hulle veld is opdrag gegee om voorbeeldvraestelle en memorandums op te stel vir Wiskunde, Wiskundige Geletterdheid, Fisiese Wetenskappe, Lewenswetenskappe, Rekeningkunde en Engels Eerste Addisionele Taal. Graad 12 leerders kan hierdie hulpbylae gebruik om hulle eksamengereedheid te meet.

Hierdie hulpbylae, wat deur kurrikulumadviseurs van die Departement van Basiese Onderwys vir akkuraatheid nagegaan is, word in beide Engels en Afrikaans voorsien.

4. Bring asseblief die inhoud van hierdie minuut onder die aandag van die betrokke onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:09:05