1. Met die oog daarop om onderwysers en leerders te help om vir die graad 12-Besigheidstudies-eksamen van November 2014 voor te berei, is Omsendbrief no. 7 van 2013 uitgereik deur die Departement van Basiese Onderwys om duidelikheid te verskaf oor die struktuur van graad 12 Besigheidstudies-vraestel soos dit verskyn in die Kurrikulum- en Assesseringsbeleidsverklaring (KABV).
2. Die tabel in die aangehegte Bylae A (slegs in Afrikaans en Engels beskikbaar) verskaf die struktuur van die Besigheidstudies graad 12-eksamenvraestel, 'n beskrywing van elke afdeling en die punte- en tydstoedeling. Onderwysers en kurrikulumbeamptes moet veral kennis neem van hoe Afdeling B van die vraestel geherstruktureer is.
3. Die inhoud van hierdie kurrikulumminuut moet saamgelees word met die Besigheidstudies KABV wat in Januarie 2012 uitgereik is deur die Departement van Basiese Onderwys. Let egter daarop dat foute in die KABV dokument reggestel is en die hersiene verklaring herdruk sal word. In die tussentyd kan die lys van errata verkry word deur op "CAPS" op die tuisblad van die nasionale departement se webtuiste http://www.education.gov.za te kliek.
4. Prinsipale word versoek om die inhoud van hierdie minuut onder die aandag van alle graad 10, 11 en 12 Besigheidstudies-vakhoofde en -onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:08:28

Bylae A: Struktuur van die KABV Besigheidstudies Graad 12-eksamenvraestel wat in November 2014 geïmplementeer word
(grootte: 29 KB)