| 1. |
Die nasionale Departement van Basiese Onderrig, in vennootskap met die Nasionale Erfenisraad (NER) nooi alle skole uit om deel te neem aan hulle onderwysuitreikprogram ter herdenking van Erfenisdag 2013. |
| 2. |
Hierdie kompetisie sal deel uitmaak van die Departement se bydrae tot die versterking van die onderrig en leer van Geskiedenis en Toerisme in skole. Die nasionale finale sal van 23 – 27 September 2013 by die Marekele Nasionale Park op die grens van Noord-Wes Limpopo gehou word. Een skool sal gekies word om die Wes-Kaap by die nasionale gebeurtenis te verteenwoordig.
|
| 3. |
Hierdie program is in 2008 bekendgestel om by jongmense die betekenis in te skerp om die tasbare en ontasbare erfenis van Suid-Afrika te bevorder en te bewaar. Die program bevorder ook sosiale samehorigheid, terwyl dit die skoolkurrikulum versterk en ondersteun deur die restorasie van Afrika se mensheid. |
| 4. |
Dit is ook deel van die Departement se deurlopende inisiatief om alle leerders aan te moedig om 'n begrip te ontwikkel van Suid-Afrika se kulturele erfenis en diversiteit, en is 'n geleentheid vir leerders om belangrike navorsingsvaardighede te ontwikkel. |
| 5. |
KOMPETISIE VIR LEERDERS
Daar sal van leerders verwag word om TWEE dinge te doen:
|
| 5.1 |
Leerders sal die templaat (Bylae A) gebruik om 'n databasis op te stel van die bedreigde tasbare en ontasbare kulturele erfenis in hulle gemeenskap. Leerders het 20 minute om hierdie bevindings aan te bied dra en aanbevelings te maak oor hoe om die erfenis wat bedreig word te bewaar en te bevorder. |
| 5.2 |
Daar word van leerders verwag om navorsing te doen en 'n 10-minute aanbieding te doen oor die Wet op Naturellegrond, 1913, en sy erfenis. Hulle aanbieding moet insluit:
- die redes vir die bepaling van die 1913 Wet op Naturellegrond;
- 'n assessering van die huidige status quo ten opsigte van grondbesit in die Republiek van Suid-Afrika;
- 'n kritiese beskouing van die maatreels wat deur ons regering ingestel is in 'n poging om hierdie kwessie aan te spreek, asook 'n assessering van die impak van hierdie maatreels oor produktiwiteit en die oordrag van boerderyvaardighede;
- 'n evaluering van die soort geveg wat ons as 'n land vandag moet voer, in vergelyking met die geveg om vryheid.
|
| 6. |
KRITERIA
Die volgende seleksiekriteria moet gehandhaaf word wanneer deelnemers geidentifiseer word:
|
| 6.1 |
Vier graad 10-leerders van dieselfde skool moet geidentifiseer word. |
| 6.2 |
In gemengde skole moet geslagsensitiwiteit toegepas word by die keuse van spanne (2 dogters en 2 seuns). |
| 6.3 |
Hierdie kompetisie is slegs oop vir skole van benadeelde gemeenskappe. |
| 6.4 |
Hierdie kompetisie is net oop vir skole wat NIE aan enige van die volgende deelgeneem het nie: Nkosi Albert Luthuli Mondelingegeskiedeniskompetisie, Erfenis Onderwysuitreikprogram, YCAP, SANparke Omgewingsopvoedingsprogramme en Skynverhoorkompetisie. |
| 7. |
ASSESSERINGSKRITERIA VIR AANBIEDING |
| 7.1 |
Die assesseringskriteria wat gebruik sal word om aanbiedings op provinsiale sowel as nasionale vlak te beoordeel, is vervat in Bylae B. |
| 8. |
PROVINSIALE BEOORDELINGSPROSES |
| 8.1 |
Skole wat wil deelneem aan hierdie kompetisie moet die aangehegte aansoekvorm invul (Bylae C) en dit terugbesorg aan hulle distriksbeamptes (kurrikulumadviseurs vir Geskiedenis en Toerisme) teen 2 September 2013. |
| 8.2 |
Onderwysers moet leerders identifiseer en voorberei vir die elimineringsrondtes binne die distrik asook vir die provinsiale gebeurtenis, verseker dat leerders wat ingeskryf het, teenwoordig en gereed is vir die provinsiale gebeurtenis en verseker dat die nodige vervoer na en van die gebeurtenisse gereël is. |
| 8.3 |
Leerders moet hulle navorsing, databasis en aanbiedings voltooi, voorbereid wees om enige vraag te beantwoord aangaande hulle projekte en navorsing, en in staat wees om hulle persoonlike ervarings van die navorsingsprojek te deel. |
| 8.4 |
Die provinsiale beoordeling sal plaasvind op Saterdag, 7 September 2013. Dit sal uitloop op een skoolspan wat gekies sal word om die Wes-Kaap by die nasionale finale te verteenwoordig. Die lokaal sal via die kurrikulumadviseurs vir Geskiedenis en Toerisme aan alle deelnemende skole bevestig word. Die WKOD Hoofkantoor sal verantwoordelik wees om alle reiskoste na en van die provinsiale beoordeling te dra. |
| 8.5 |
Die Nasionale Erfenisraad (NER) sal verantwoordelik wees vir reis- en akkommodasiekoste vir deelnemende leerders en onderwysers gedurende die nasionale kompetisie in die Marekele Nasionale Park in Limpopoprovinsie vanaf 23 tot 27 September 2013. |
| 9. |
Prinsipale word versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:08:27
|
 |