WCED Minuut

1.	Die toename in die getal eksamenonreëlmatighede is kommerwekkend vir die Wes-Kaap Onderwysdepartement (WKOD).

Deur verskeie voorsprake het die WKOD kandidate gewaarsku teen die beoefening van onreëlmatige aktiwiteite gedurende die skryf van die eksamens. Ten spyte van hierdie pogings gaan 'n aantal kandidate nog steeds voort om af te kyk, hulle selfone in die eksamenlokaal in te neem, en die eksamens te ontwrig. Die uitkoms hiervan is dat die uitslae nietig verklaar word ingevolge Artikel 4, subartikel 2 van die Regulasies met betrekking tot die Beheer, Administrasie en Bestuur van Assessering vir die Nasionale Senior Sertifikaat. Gevolglik is kandidate uitgesluit van die skryf van eksamens vir 'n periode van een tot drie jaar.

3.	Dit is belangrik dat skoolhoofde gereeld hulle leerders waarsku oor die gevolge van oneerlikheid of onreëlmatige aktiwiteite tydens die skryf van die NSS-eksamens.

Algemene eksamenonreëlmatighede en die relevante strafmaatreëls word in die tabel hieronder voorsien:

Nr.	Onreëlmatighede	Sankies wat toegepas moet word, of optrede wat deur die WKOD geneem moet word
(a)	Kandidaat gevind in besit van ongemagtigde materiaal gedurende die eksamen (bv. notas, memo)	Die kandidaat se resultaat vir daardie eksamenvraestel sal nietig verklaar word. Die kandidaat mag belet word van 'n minimum van een tot 'n maksimum van drie daarop-volgende NSS-eksamens, met die uitsondering van die aanvullende NSS-eksamen.
(b)	Kandidaat gevind in besit van 'n ongemagtigde elektroniese toestel (bv. selfoon, geprogrameerde sakrekenaars) gedurende die eksamen	Die kandidaat se resultaat vir daardie eksamenvraestel sal nietig verklaar word. Die kandidaat mag belet word van 'n minimum van een tot 'n maksimum van drie daarop-volgende NSS-eksamens, uitsluitende die aanvullende NSS-eksamen.
(c)	Kandidaat wat gevang word wat afskryf of hulp vanaf 'n mede-kandidaat ontvang	Die kandidaat se resultate vir daardie eksamenvraestel sal nietig verklaar word. Die kandidaat mag belet word van 'n minimum van een tot 'n maksimum van drie daarop-volgende NSS-eksamens, uitsluitende die aanvullende NSS-eksamen. Indien daar bewyse is van samewerking, sal die kandidaat wat hulp verleen het, belet word van 'n minimum van een tot 'n maksimum van drie daarop-volgende NSS-eksamens, uitsluitende die aanvullende NSS-eksamen.
(d)	Afskryfnotas ontdek in die antwoordboek by die nasiensentrum, of kandidaat is gevind in besit van afskryfnotas tydens die skryf van die eksamen	Die kandidaat se resultate vir daardie eksamenvraestel sal nietig verklaar word. Die kandidaat mag belet word van 'n minimum van een tot `n maksimum van drie daarop-volgende NSS-eksamens, uisluitende die aanvullende NSS-eksamens
(e)	'n Eksamenantwoordboek of antwoordblad wat uit die eksamenlokaal verwyder is en op 'n latere stadium ingedien word	Die kandiaat sal 'n "0" ontvang vir die betrokke antwoordblad/ antwoordboek wat van die eksamenlokaal verwyder is.
(f)	Indiening van die werk wat nie die kandidaat se eie werk is nie	Die kandidaat se resultaat vir daardie eksamenvraestel sal nietig verklaar word.
(g)	Die ontstaan van 'n stoornis, intimidasie, dronkenskap, verontagsaming van die reëlings en/of die instruksies van die toesighouer	Die kandidaat moet gewaarsku word en, indien hy of sy voortgaan met die gedrag of optrede, moet die kandidaat uit die eksamen-lokaal verwyder word, en verbeur dus die geleentheid om voort te gaan met die skryf van die eksamenvraestel. Die kandidaat se resultate vir daardie vraestel sal nietig verklaar word. Kriminele klagtes mag teen die betrokke kandidaat ingestel word.
(h)	Kandidate skryf persoonlike, onbehoorlike of brutale kommentaar, of obsene tekeninge in eksamenantwoordboek	Die kandidaat se resultaat vir daardie eksamenvraestel sal nietig verklaar word.

5.	Bring asseblief hierdie inligting onder die aandag van alle kandidate wat die NSS-eksamen sal skryf, asook hulle ouers.

GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:05:23