| 1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen soos gespesifiseer in Bylae A vir betrekkings van interne moderator, hoofnasiener, adjunkhoofnasiener en nasiener vir die Nasionale Senior Sertifikaat-eksamen (NSS-eksamen) van November 2013, en die Aanvullende Eksamen van 2014 (waar van toepassing). |
| 2. |
In 2011 is bevoegdheidstoetse geskryf in Rekeningkunde, Besigheidstudies, Geografie, Geskiedenis, Lewenswetenskappe, Wiskunde en Fisiese Wetenskappe. |
| 2.1 |
In 2012 het die WKOD die volgede drie vakke bygevoeg by die lys van die bevoegdheidstoetse: Ekonomie, Verbruikerstudies en Wiskundige Geletterdheid. |
| 2.2 |
Vir 2013, die WKOD wil die bevoegdheidstoetse in die volgende vakke administreer: Rekeningkunde, Besigheidstudies, Geografie, Geskiedenis, Lewenswetenskappe, Wiskunde, Fisiese Wetenskappe, Ekonomie, Verbruikerstudies en Wiskundige Geletterdheid. |
| 3. |
Slegs aansoekers wat die bevoegdheidstoets skryf en ‘n punt van ten minste 60% of meer behaal, sal oorweeg word vir aanstelling as nasienerbeamptes vir die nasienperiode van November 2013 en die Aanvullende Eksamen van Maart 2014 (waar van toepassing). |
| 4. |
Alle aansoekers wat die bevoegdheidstoets in Rekeningkunde, Besigheidstudies, Ekonomie, Geografie, Geskiedenis, Lewenswetenskappe, Wiskundige Geletterdheid, Wiskunde, Fisiese Wetenskappe en Verbruikerstudies in 2011 en/of 2012 geskryf het en 'n punt van ten minste 60% of meer behaal het, hoef nie die bevoegdheidstoetse in hierdie vakke in 2013 af te lę nie. Hierdie groep aansoekers moet egter 'n aansoekvorm (Bylae B), asook 'n verklaringsvorm (Bylae C) teen 28 Maart 2013 aan die WKOD voorlę om vir aanstelling vir November 2013 en die Aanvullende Eksamen van 2014 (waar van toepassing) oorweeg te word. |
| 5. |
Alle persone wat die bevoegdheidstoets in 2011of 2012 afgelę het en 'n punt minder as 60% behaal het, dié wat hulle bevoegdheidstoets punte wil verbeter en sowel as nuwe aansoekers wat voldoen aan die aanstellingskriteria soos genoem in Bylae A, moet hulle aansoekvorm (Bylae B), verklaringsvorm (Bylae C) en registrasievorm aan die WKOD voorlę voor 28 Maart 2013, om die bevoegdheidstoets (Bylae D) af te lę. |
| 6. |
Rooster vir die aflę van die bevoegdheidstoetse |
| 6.1 |
Alles moontlik sal gedoen word om aansoekers by ‘n lokaal in hulle onderwysdistrik te akkommodeer vir die aflę van die bevoegdheidstoets. Besonderhede van hierdie lokale sal binnekort aan individuele aansoekers oorgedra word. Die bevoegdheidstoets sal gebaseer word op die sillabus vir die NSS-vak of vakvraestel waarvoor aansoek gedoen is en sal ook die nodige nasienbevoegdheid assesseer. In die geval van Geografie, sal aansoekers getoets word oor die sillabus wat in Vraestel 1 sowel as 2 geëksamineer word.
Datums vir die aflę van die bevoegdheidstoetse
| VAKKE |
DATUM |
TYD |
| Rekeningkunde en Wiskunde Vraestel 1 |
23/04/2013 |
15:00 – 17:00 |
| Besigheidstudies, Geskiedenis Vraestel 1 en Geografie Vraestel 1 en 2 |
24/04/2013 |
15:00 – 17:30 |
Wiskundige Geletterdheid Vraestel 1
Geskiedenis Vraestel 2 |
25/04/2013
25/04/2013 |
15:00 – 17:00
15:00 – 17:30 |
| Fisiese Wetenskappe Vraestel 1 en Lewenswetenskappe Vraestel 1 |
29/04/2013 |
15:00 – 17:00 |
| Fisiese Wetenskappe Vraestel 2, Lewenswetenskappe Vraestel 2 en Wiskundige Geletterdheid Vraestel 2 |
30/04/2013 |
15:00 – 17:00 |
| Verbruikerstudies, Ekonomie en Wiskunde Vraestel 2 |
02/05/2013 |
15:00 – 17:00 |
|
| 7. |
Voorlegging van aansoeke |
| 7.1 |
Alle aansoeke moet op die aangehegte aansoekvorm (Bylae B) gedoen word en moet van die volgende vergesel wees:
- 'n Begeleidende brief waarin die aansoeker verduidelik hoekom hy of sy vir die pos aansoek doen.
- 'n Voltooide verklaringsvorm, waarvan 'n afskrif aangeheg is aan hierdie minuut as Bylae C.
|
| 7.2 |
Alle nuwe aansoekers moet die volgende dokumente aanheg by hulle aansoekvorms:
- Curriculum vitae
- Gewaarmerkte afskrif van identiteitsdokument
- Gesertifiseerde afskrif(te) van akademiese studierekord(s)
- Gewaarmerkte afskrif(te) van kwalifikasiesertifikaat/-sertifikate
|
| 7.3 |
Aansoeke moet by die volgende adres ingedien word:
Hoof: Onderwys
Vir aandag: Mnr M Cameron
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD
8001 |
| 7.4 |
Aansoeke moet die WKOD teen 28 Maart 2013 bereik. Indien u enige navrae het, kontak asseblief mnr M Cameron by tel. no. 021 467 2964 of mnr N Riddles by tel. no. 021 467 2992. |
| 8. |
Suksesvolle aansoekers sal skriftelik van hulle aanstellings verwittig word en sal ‘n kontrak met die WKOD moet sluit. Verdere korrespondensie aangaande die nasienproses sal dan volg. |
| 9. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goedertrou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
| 10. |
Dit is uiters belangrik dat prinsipale, onderwysdistriksdirekteure, IBB-adviseurs en kurrikulumadviseurs die inhoud van hierdie minuut onder die aandag bring van alle onderwysers sodat hulle bekend sal wees met die aanstellingskriteria voordat aansoeke ingedien word. Die Direktoraat: Assesseringsbestuur kan geen verantwoordelikheid aanvaar indien onderwysers nie van die inhoud van hierdie minuut ingelig word nie. |
| 11. |
Die aangehegte ontvangserkenning van hierdie minuut (Bylae E) moet voltooi word deur die skoolhoof en aan die WKOD terugbesorg word nie later as 28 Maart nie. |
| 12. |
Die WKOD maak staat op u samewerking en ondersteuning in hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:03:20
|
 |