| 1. |
Hierdie minuut moet saamgelees word met Die Nasionale Beleid oor Assessering en Kwalifikasies vir Skole in die AOO-band (Staatskoerant No. 29626 van 2007) wat die bevordering vereistes in graad 9 aandui. |
| 2. |
Die huidige vordering en bevorderingsvereistes, soos gestipuleer in die Staatskoerant No. 29626 sal in graad 9 in 2013 gebruik word. |
| 3. |
Skole in die Wes-Kaap sal voortgaan met hulle interne programme van assessering en hulle eie interne eksamens afneem in alle vakke in graad 9. |
| 4. |
Die interne eksamens vir graad 9 wat in die 4de kwartaal afgeneem sal word, moet 25% van die totale punt vir elke vakke uitmaak. |
| 5. |
Die res van die formele assesserings in graad 9 sal 75 % van die finale bevorderingspunt vir elke vak uitmaak. |
| 6. |
Die graad 9-bevorderingskedule vir 2013 is nou beskikbaar op die Sentrale onderwysbestuursinligtingstelsel (SOBIS), onder die opskrif "Verslae". |
| 7. |
Soos die gebruik in die verlede was, moet skole 'n elektroniese kopie van die graad 9-bevorderingskedule teen 04 Desember 2013 aan hulle onderwysdistrikskantoor voorlê. Assesseringskoördineerders moet teen 09 Desember 2013. 'n CD wat al hulle skole se punteskedules bevat aan die Direktoraat: Assesseringsbestuur voorlê. |
| 8. |
Bring asseblief die inhoud van hierdie minuut onder die aandag van al die betrokke onderwysers en ouers. |
GETEKEN: SM NAICKER
WAARNEMENDE: ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:01:14
|
 |