| 1. |
Die prosedure en datums vir vakveranderings bly soos uiteengesit in die Nasionale Beleid betreffende die Program- en Bevorderingsvereistes van die Nasionale Kurrikulumverklaring, graad R – 12. |
| 2. |
`n Leerder mag `n maksimum van twee vakke in graad 10 verander, op voorwaarde dat dit voor 31 Julie 2014 gedoen word. |
| 3. |
`n Leerder mag `n maksimum van twee vakke in graad 11 verander, op voorwaarde dat dit voor 28 Februarie 2014 gedoen word. |
| 4. |
In uitsonderlike gevalle, byvoorbeeld, wanneer `n leerder vanaf een provinsie of skool na ‘n ander verskuif, kan `n leerder een vak in graad 12 verander, op voorwaarde dat dit voor 31Januarie 2014 gedoen word. |
| 5. |
Nadat die 2013 graad 12 voorlopige skedules aan skole vir verifikasie en aftekening gestuur is, was dit duidelik dat sommige prinsipale nie die prosedure vir vakveranderings gevolg het nie, aangesien baie laat vakveranderings op die voorlopige skedules aangebring is. |
| 6. |
Prinsipale word daaraan herinner dat die Wes-Kaap Onderwysdepartement (WKOD) nie voort kan gaan om laat vakveranderings te aanvaar, óf laat vakveranderings op die ingediende voorlopige skedules toe te laat nie. Vanaf 2014 sal stappe teen skole en prinsipale geneem word wat voortgaan om die vereiste prosedures en sluitingsdatums vir vakveranderings te ignoreer. |
| 7. |
Prinsipale word daaraan herinner dat die Nasionale Senior Sertifikaat `n driejaar-kwalifikasie is, en dat elke vak in graad 10, 11 en 12 aangebied moet word. Kandidate mag nie aan die begin van die graad 12 jaar aansoek doen om vir `n ekstra vak te registreer nie. |
| 8. |
Om vir `n vakverandering aansoek te doen, moet `n memorandum van ooreenkoms deur die ouer, prinsipaal en die vakonderwyser voltooi word. Hierdie memorandum van ooreenkoms (Bylae A) sal die briewe wat deur die drie partye ingedien moet word, vervang, soos uiteengesit in Assesseringsbestuurminuut 0014/2012. ‘n Afskrif van elke voltooide Bylae A moet by die skool geliasseer word sodat dit op aanvraag beskikbaar is vir die distrikskantoor. |
| 9. |
Skole word aangeraai om teen 24 Januarie 2014 elke graad 12-leerder van `n Sentrale Onderwysbestuurinligtingstelsel (SOBIS) registrasieverslag te voorsien, en te sorg dat elke leerder teken om te bevestig dat sy/haar vakke korrek is. Enige foute moet voor Vrydag, 31 Januarie 2014, op die SOBIS reggestel word deur gebruik te maak van die regstelling fasiliteite op die SOBIS. |
| 10. |
Skole word daaraan herinner dat die SOBIS-registrasiedata gebruik word om die graad 12 kandidate op die Integrated Examination Computer System (IECS) te registreer. Hierdie data word gebruik om die voorlopige skedules te druk. Die akkuraatheid van die graad 10 – 12 SOBIS-data is noodsaaklik vir die voorkoming van vakveranderings op die voorlopige skedules. |
| 11. |
Prinsipale en onderwysdistriksbeamptes word versoek om die inhoud van hierdie minuut onder die aandag van personeel, ouers en leerders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:11:29
|
 |