1. |
Die implementering van die Kurrikulum- en Assesseringsbeleidsverklaring in graad 10 – 12 het veranderinge aan die struktuur van die Wiskunde-eksamen genoodsaak. Onderwerpe soos Waarskynlikheid en Euklidiese Meetkunde is vroeër net in die opsionele Vraestel 3 geëksamineer. Waarskynlikheid sal nou in Wiskunde Vraestel 1 en Euklidiese Meetkunde in Wiskunde Vraestel 2 geëksamineer word. |
2. |
Die Departement van Basiese Onderwys het gemeenskaplike vraestelle in Wiskunde vir graad 11 opgestel, wat nasionaal geskryf sal word op 6 en 8 November 2013. Wiskunde Vraestel 1 sal geskryf word op 6 November 2013 van 09:00 tot 12:00, en Wiskunde Vraestel 2 sal geskryf word op 8 November 2013 van 09:00 tot 12:00. |
3. |
Die skryf van die gemeenskaplike vraestel is opsioneel vir skole, en sal by skole afgeneem word wat reeds aangedui het aan die Direktoraat: Kurrikulumontwikkeling: Verdere Onderwys en Opleiding (VOO) dat hulle hierdie vraestelle wil skryf. |
4. |
Skole wat aangedui het dat hulle nie die gemeenskaplike vraestelle gaan skryf nie kan die gemeenskaplike vraestelle en nasienmemorandums van die WKOD-webtuiste aflaai na 8 November 2013, deur die prosedures te gebruik soos hieronder aangedui. |
4.2 |
Kliek op "Assessment Management / FET Assessment". |
4.3 |
Kliek op "Downloads" op die linkerkantste blok. |
4.4 |
Kliek op "Grade 11 Mathematics Common Paper" en laai die vraestelle en nasienmemorandums af. |
5. |
Prinsipale en Kurrikulumadviseurs word versoek om die inhoud van hierdie minuut onder die aandag van die Wiskunde opvoeder en die vakhoofde te bring. |
GETEKEN: BK SCHREUDER
HOOF: ONDERWYS
DATUM: 2013:11:04
|
![](images/shim.gif) |