1. Die Departement van Basiese Onderwys (DBO) het die Wes-Kaap Onderwysdepartement (WKOD) versoek om te verseker dat alle ouers van leerders wat die 2013 Jaarlikse Nasionale Assesserings (JNA’s) in graad 1 - 6 en 9 geskryf het, voorsien word van 'n verslag oor hulle kind se prestasie. Hierdie verslag moet die vlakke en persentasies bevat wat deur die leerder behaal is, die graadgemiddelde vir die vakke by die skool en kommentaar deur die opvoeders oor die leerders se sterk punte en areas wat aandag benodig.
2. Die verslagvorm sal beskikbaar wees vanaf 21 Oktober 2013 op die Sentrale Onderwysbestuursinligtingstelsel (SOBIS) onder die "Assessments"opsie. Prinsipale word versoek om seker te maak dat die leerderverslae aan ouers uitgereik word teen 31 Oktober 2013.
3. Die WKOD het opregte waardering vir die werk wat deur onderwysers en prinsipale gedoen is ten opsigte van die administrasie, aanbieding en nasien van die JNA’s en versoek dat skole die JNA-uitslae ontleed en dit gebruik om onderrig en leer te versterk.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:10:21