1. Skole is ingelig aangaande die bestuur, afneem en administrasie van die Jaarlikse Nasionale Assesserings (JNA) deur middel van Assesseringsbestuursminuut 0017/2013.
2. Hierdie minuut dien om te bevestig dat leerders in die Grondslagfase (graad 1 tot 3) toegelaat mag word om onderwyshulpmiddels te gebruik, soos voorgeskryf in die Wiskunde Kurrikulum- en Assesseringsbeleidsverklaring (KABV).
3. Die onderwyshulpmiddels wissel van leerdertellers, 100 kaarte, getallelyne tot enige ander hulpmiddels wat leerders normaalweg toegelaat word om probleme mee op te los.
4. Bring asseblief die inhoud van hierdie minuut onder die aandag van al die betrokke Grondslagonderwysers en opsieners.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:09:06