1.1 |
Skole is deur middel van Omsendbrief 0023/2013 ingelig dat die 2013 Jaarlikse Nasionale Assesserings (JNA’s) deur graad 1 tot 6 en 9 leerders by gewone openbare skole, staatsgesubsidieerde onafhanklike skole en sommige spesiale skole geskryf sal word. |
1.2 |
Die doel van hierdie minuut is om riglyne te verskaf vir die bestuur, afneem en merk van die JNA’s. |
2. |
Prosedures voor die afneem van die JNA’s |
2.1 |
Registrasie van leerders |
2.1.1 |
Skole is versoek in Assesseringsbestuurminuut 0009/2013 om te verseker dat alle
leerderregistrasie teen 25 April 2013 op die Sentrale Onderwysbestuursinligtingstelsel (SOBIS), korrek voltooi is. Dit was om te verseker dat leerders die toetse in die korrekte taal van leer en onderrig, vak en graad aflê. |
2.1.2 |
Toetsvraestelle sal verpak en afgelewer word ooreenkomstig met die SOBISleerderregistrasiedata. Skole sal verantwoordelikheid neem vir enige tekorte op die dag waarop die JNA’s geskryf word. |
2.1.3 |
Enige veranderinge in registrasie moet so gou as moonlik gefinaliseer word. Enige teenstrydighede wat in die leerderregistrasieinligting op die SOBIS gevind word, moet aan mnr Abduraham Noordien of mnr Thando Pokolo gerapporteer word by tel. nr 021 467 9255. |
2.2 |
Ontvangs, kontrolering en stoor van toetsmateriaal |
2.2.1 |
Tussen 19 Augustus en 4 September 2013 sal die toetsmateriaal in een besending by skole afgelewer word. |
2.2.2 |
Die prinsipaal moet die inhoud van die besending verifieer om te bevestig dat die skool die korrekte getal toetse, soos gedruk op die plakker, en in die korrekte taal van leer en onderrig, ontvang het. Die plastieksakke wat die toetse bevat mag nie oopgemaak word tot die dag waarop die toetse geskryf word nie. |
2.2.3 |
Die toetse sal per graad aan skole gelewer word, en die houers vir elke graad sal met kleurgekodeerde plakkers gemerk wees. Die grade sal soos volg aangedui word:
Graad 1 |
Geel |
Graad 2 |
Pienk |
Graad 3 |
Blou |
Graad 4 |
Rooi |
Graad 5 |
Groen |
Graad 6 |
Oranje |
Graad 9 |
Pers |
|
2.2.4 |
Die JNA's besending sal uit die volgende bestaan:
- Die JNA's toetse
- `n JNA's antwoordstrokie
|
2.2.5 |
Met ontvangs van die besending, sal die antwoordstrokie, met die opskrif Annual National Assessments Test Packing List, wat in die houer gevind kan word, teenoor die inhoud van die houer nagegaan word. Daarna moet die antwoordstrokie geteken en gefaks word na 021 461 5628, vir die aandag van me Bronwyn Calvert. |
2.2.6 |
In die geval van toetstekorte, kontak onmiddellik die assesseringskoordineerder by u onderwysdistrikskantoor. |
2.2.7 |
Die toetse moet gestoor word in `n veilige plek wat slegs toeganklik is vir die prinsipaal. Die toetse moet in die chronologiese skryf volgorde geplaas word om te verseker dat elke toets op die korrekte dag geskryf word. Die prinsipaal moet seker maak dat alle toetspakke bewaar word en verseel bly totdat dit voor die toesighouers oopgemaak word op die dag waarop dit geskryf word. |
2.2.8 |
`n Aparte houer, wat die volgende bevat, sal voor 04 September 2013 by skole afgelewer word:
- Die punteblaaie van die klasse wat die JNA's skryf
- `n Wagwoord bewaarde CD wat die merk memorandums insluit
- Kontrolelyste en `n koevert vir die indiening van die steekproefskrifte aan die merksentrum
- Afrskrif van die JNA's minuut
- Onderwysersgids vir die Jaarlikse Nasionale Assesserings
- Bylae B, waarby nuwe leerders, wat nie op die puntelys is nie, bygevoeg moet word.
|
2.3.1 |
Die prinsipaal sal dien as die hoofopsiener in sy of haar skool, en moet seker maak dat `n toesigrooster opgestel is. |
2.3.2 |
Die JNA is `n nasionale assessering. Opvoeders moet geen hulp verleen wat kinders op enige manier kan bevoordeel nie. |
2.3.3 |
Opvoeders wat graad 1 en 2 klasse onderrig, sal by hulle eie klasse toesig hou. Graad 3 - 6 en 9 opvoeders word nie toegelaat om toesig te hou by klasse wat hulle tans onderrig nie. |
2.3.4 |
Alle vrae moet hardop gelees word, deur die opvoeder, aan graad 1 en 2 leerders, sonder om vir hulle antwoorde of wenke te gee. Leerders in graad 3 - 6 en 9 moet die vrae self lees en op hulle eie werk. |
2.3.5 |
Opvoeders wat toesig hou by die JNA's moet die aangehegte Bylae A: Teacher Guide to the Annual National Assessments ten minste een week voor die aanvang van die toets voorsien om te verseker dat elke opvoeder presies weet hoe om by die toegekende klasse toesig te hou. |
2.3.6 |
Opsieners moet vooraf ingelig word van die duur van die toetse. Die prinsipaal moet verseker dat die gestipuleerde tye streng nagekom word. |
2.3.7 |
Die prinsipaal is verantwoordelik vir die opleiding van alle onderwysers wat toesig gaan hou by die toetse. Die notule van hierdie opleidingsvergadering moet aangeteken word en by die skool gehou word, aangesien dit as `n verifikasie sal dien dat opleiding plaasgevind het. |
2.3.8 |
Die IBB-bestuurder word versoek om te verifieer dat opleiding van die prinsipaal en die opsiener plaasgevind het. |
2.4 |
Voorbereiding van die toetslokaal |
2.4.1 |
Lokale vir die skryf van die JNA's moet ten minste een dag voor elke toets voorberei word. |
2.4.2 |
Enige inligting op die mure van klaskamers wat leerders kan help, moet bedek of verwyder word. |
2.4.3 |
Sitplekke in die lokaal moet sodanig geplaas word dat leerders nie toegang tot mekaar se werk kan verkry nie. |
3. |
Prosedure op die dag waarop die JNA's geskryf word |
3.1 |
Die JNA's sal plaasvind vanaf 10 - 13 September 2013. Elke toets sal om 09:00 op die spesifieke dag begin. Daar word egter van leerders verwag om ten minste 15 minute voor die afneem van die toets by die skryflokale te rapporteer. Leerders moet 10 - 15 minute gegee word om die besonderhede op die omslag te voltooi, (wat op die bord geskryf moet word) en deur die voorafoefeninge te werk. |
3.2 |
Prinsipale word daaraan herinner dat hierdie dae gewone skooldae is, en dat leer en onderrig onmiddellik hervat moet word nadat die toetse geskryf is. |
3.3 |
Opsieners moet seker maak dat leerders die korrekte toetse ontvang. |
3.4 |
Opsieners moet uitgereik word met die betrokke administratiewe inligting wat benodig word op die omslag van die toetsboek, soos byvoorbeeld die skool se 9-syfer OBIS-nommer, en die naam van die onderwysdistrik. |
4. |
Prosedures na die JNA's geskryf is
|
4.1.1 |
Alle graad 1 tot 6 en 9 skrifte, by gewone openbare skole en spesiale skole, sal op skoolvlak deur die klasonderwysers nagesien word teen 18 September 2013. |
4.1.2 |
Die wagwoord vir die memorandum-CD sal daagliks beskikbaar gestel word deur die distriksassesseringskoordineerder, en sal op die AOO se Assesseringsbestuurs-webtuiste geplaas word. Toegang kan ook verkry word tot die memoranda by: http://wced.school.za/home/home.html en dan te klik op
- "Teaching/Curriculum Support"
- en dan op "Assessment Management",
- en dan op "GET Assessment" en
- en dan op "Annual National Assessments"
- en "Annual National Assessments 2013".
|
4.1.3 |
Die punteblaaie sal gebruik word vir die aantekening van leerders se punte nadat interne moderering voltooi is. |
4.2 |
Aantekening en rapportering |
4.2.1 |
Skole sal voorsien word van punteblaaie vir elke graad en klas. Na interne moderering op skoolvlak, sal punte vasgelê word deur die opvoeder op die oorspronklike punteblaaie soos voorsien. Die kolom gemerk "Moderation" moet nie gebruik word nie, dis is slegs vir gesentraliseerde hermerk.
|
4.2.2 |
Sodra die punte aangeteken is op die punteblaaie, moet hierdie punteblaaie in `n ewekansige seleksie van `n steekproef vir graad 3, 6 en 9 skrifte gebruik word. Die oorspronklike punteblaaie, saam met die steekproefskrifte moet aan die onderwysdistrikskantoor gestuur word vir gesentraliseerde hermerk. Skole word versoek om `n fotokopie van die graad 3, 6 en 9 punteblaaie te maak vir veilige bewaring deur die prinsipaal. |
4.2.3 |
Skole sal ook versoek word om die punte elektronies op die SOBIS vas te lê. Die skerm vir die vaslê van punte kan gevind word onder "Assessments". Hierdie punte moet deur die graadhoofde en prinsipaal geverifieer word, en moet teen 30 September 2013 op die SOBIS aangeteken wees. `n Gedetailleerde aparte minuut oor die vaslê van punte sal mettertyd aangestuur word. |
4.3 |
Gesentraliseerde hermerk |
4.3.1 |
Steekproewe van drie skrifte per vak en per klas vir graad 3, 6 en 9 van elke skool sal deur onderwysers by `n sentrale lokaal in die distrik gehermerk word. |
4.3.2 |
Instruksies oor hoe om `n steekproef van skrifte te onttrek sal deur die assesseringskoördineerder by die onderwysdistrik verskaf word. |
4.3.3 |
Die steekproef van gemerkte skrifte asook die oorspronklike punteblaaie moet deur die prinsipaal aan die onderwydistrikskantoor of nasiensentrum voorgelê word teen 19 September 2013 om 14:00. |
4.3.4 |
Die kontrolelys wat op die omslag van die voorsiende bruinkoevert gevind word, moet korrek voltooi en afgeteken word deur die prinsipaal voor dit ingedien kan word by die onderwysdistrikte. |
4.4 |
Verifikasie van die JNA’s (Graad 3, 6 en 9) |
4.4.1 |
Dit is die vooruitsig dat ongeveer 230 skole in die Wes-Kaap gekies sal word as JNA-verifikasie skole. |
4.4.2 |
`n Onafhanklike agent sal die administrasie van die graad 3, 6 en 9 toetse by hierdie skole monitor. `n Steekproef van 25 skrifte per graad van die geselekteerde skole sal deur die onafhanklike agent verwyder word, nadat al die leerders die JNA’s geskryf het, en afsonderlik gemerk word. Hierdie steekproef van leerders sal versoek word om `n verdere ankeritem te skryf wat deur die onafhanklike agent voorsien sal word. |
4.4.3 |
Prinsipale van skole, opvoeders en leerders van die geselekteerde JNA-verifikasie skole sal versoek word om vraelyste te voltooi wat deur die onafhanklike agent voorsien sal word. |
4.4.4 |
Dit word versoek dat skole `n afskrif maak van die steekproefskrifte wat deur die onafhanklike agent gemerk is, en die oorspronklike steekproefskrifte oorhandig aan die onafhanklike agent op die dag van die toets. Die fotokopie skrifte moet op skoolvlak gemerk word, en op die puntebladsy aangeteken word. |
4.4.5 |
Skoolhoofde sal deur die distrikskantoor ingelig word of hulle as skool geselekteer is vir JNA-verifikasie. |
5. |
Bring asseblief die inhoud van hierdie minuut onder die aandag van alle betrokke onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:08:20
|
![](images/shim.gif) |