1. Hierdie minuut moet saamgelees word met Assesseringsbestuursminuut 0010/2013 en verskaf die datums waarby gehou moet word in die administrasie van die graad 12-Algemene Assesseringstaak (AAT) vir Lewensoriëntering, wat geskryf moet word deur alle skole wat kandidate vir die Nasionale Senior Sertifikaat- (NSS-)eksamens voorberei.
2. Die datum vir die skryf van die AAT is nog steeds 4 September 2013, vanaf 09:00 tot 10:30, soos genoem in Assesseringsbestuursminuut 0010/2013.
3. Die Departement van Basiese Onderwys het die Wes-kaapse Onderwysdepartement in Omsendbrief E13 van 2013 in kennis gestel dat die nasionale nasienriglynbespreking vir die AAT vir Lewensoriëntering op 9 en 10 September 2013 sal plaasvind.
4. Die finale nasienriglyne sal aan skole beskikbaar gestel word teen 13 September 2013.
5. Nasienwerk moet 'n aanvang neem op 13 September 2013 en voltooi word teen 19 September 2013.
6. Die provinsiale moderering van die AAT vir Lewensoriëntering sal op 25 tot 27 September 2013 plaasvind.
7. Die kurrikulumadviseur vir Lewensoriëntering in die onderwysdistrik sal 'n steekproef skrifte modereer.
8. 'n Spesiale punteblad sal in September 2013 uitgereik word aan skole vir die inskrywing van die punte vir die AAT. Hierdie punteblad moet gedurende die modereersessie saam met die ander punteblad wat vir die skoolgebaseerde assessering van Lewensoriëntering voorsien is, by die kurrikulumadviseur ingelewer word.
9. Die prinsipaal moet dien as die hoofopsiener vir die bestuur van die AAT vir Lewensoriëntering en moet seker maak dat alle voorwaardes en reëls wat vir NSS-eksamens geld, nagekom word.
10. Bring asseblief die inhoud van hierdie minuut onder die aandag van graad 12 Lewensoriënteringonderwysers en -leerders.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:08:15