1. Die Jaarlikse Nasionale Assesserings (JNA’s) is geskeduleer om vanaf 10 tot 13 September 2013 afgelê te word by gewone openbare skole, staatsgesubsidieerde onafhanklike skole en sekere spesiale skole.
2. Die Departement van Basiese Onderwys het voorbeeldvrae vir elke graad en vak geproduseer. Hierdie voorbeeldvrae is nie toetse nie, maar 'n verskeidenheid van vrae wat skole kan gebruik om leerders te help met die voorbereiding vir die JNA’s.
3. Die reeks van voorbeeldvrae in elke vak en graad reflekteer ook die omvang van die vakinhoud wat gedek moet word vir die 2013 JNA’s.
4. Deur soveel vrae as moontlik te beantwoord, sal leerders vertroue ontwikkel in die beantwoording van vrae wat op verskillende maniere saamgestel is, en sal dus ook beter voorbereid wees vir die 2013 JNA’s.
5. Hierdie voorbeeldvrae is ook modelle van die tipe vrae wat opvoeders in hulle skoolgebaseerde assesserings kan gebruik.
6. Om toegang te verkry tot hierdie voorbeeldvrae op die internet, gaan na http://wced.school.za/home/home.html en
klik dan op "Teaching/Curriculum Support",
klik dan op "Assessment Management",
klik dan op "GET Assessment",
klik dan op "Annual National Assessments" en
klik dan op "Annual National Assessments 2013", en dan
"Annual National Assessment Exemplar Questions".
7. Daar word van seniorkurrikulumbeplanners en kurrikulumadviseurs by beide provinsiale en distriksvlakke verwag om opvoeders te help met die gebruik van die voorbeeldvrae om hulle leerders se vertroue te ontwikkel wanneer die JNA’s geskryf word.
8. Prinsipale en kurrikulumadviseurs word vriendelik versoek om die inhoud van hierdie minuut onder die aandag van alle betrokke opvoeders te bring.


GETEKEN: T SINGH
HOOFDIREKTEUR: ASSESSERING EN EKSAMENS
DATUM: 2013:08:12