1. Die Wes-Kaap Onderwysdepartement (WKOD) is daartoe verbind om te verseker dat die NSS-eksamenantwoordskrifte deur die mees bevoegde nasieners nagesien moet word.
2. In die lig hiervan, het die WKOD bevoegdheidstoetse afgeneem in sekere kernvakke gedurende April en Mei 2013.
3. Daar is egter steeds ‘n paar vakatures in sekere vakke. Die WKOD het besluit om ‘n tweede rondte bevoegdheidstoetse vir nasieners in sekere vakke te reël waarvoor daar nog steeds nasieners benodig word. Hierdie vakke, saam met die datums en tye vir die bevoegdheidstoetse, word hieronder gelys.

Vak Datum van bevoegdheidstoets Tyd
Rekeningkunde; Wiskunde V2 5 Augustus 2013 15:00 – 17:00
Ekonomie; Geskiedenis V1 6 Augustus 2013 15:00 – 17:00
Wiskundige Geletterdheid V2;
Geskiedenis P2
7 Augustus 2013 15:00 – 17:00
Fisiese Wetenskap V1;
Lewenswetenskappe V1
8 Augustus 2013 15:00 – 17:00
4. Elke bevoegdheidstoets sal kennis van vakinhoud, toepassing van die inhoud op die eksamensituasie en nasienvermoë assesseer.
5. Die plekke waar die bevoegdheidstoetse afgeneem word, is soos volg:

Onderwysdistrik Koördineerders in onderwysdistrikte Plek
Metro-Noord Mnr G Foster Settlers High School
Settlersstraat
Bellville
Metro-Suid Me K Dudley Spine Road High School
Mitchells Plain
Metro-Oos Me G Kirchner Northpine Hoër Tegniese Skool
Northpine
Kuilsrivier
Metro-Sentraal Mnr JC Afrika Cape Town High School
Goewermentslaan
Tuine
Kaapstad
Eden & Sentraal-Karoo Me A Raath Onderwysdistrik Eden & Sentrale Karoo:
Rentzburghof,
Courtenaystraat 24
George
Wekus Me Susanna van Niekerk Piketberg Hoërskool
Simon van der Stelstraat
Piketberg
Overberg Mnr T. de Bruyn Onderwysdistrik Overberg:
Kollegestraat 15
Caledon
Kaapse Wynland Mnr E Schroeder Onderwysdistrikskantoor Kaapse Wynland
Durbanweg 9
Worcester
6. Onderwysers wat ‘n bevoegdheidstoets wil aflê, moet by die betrokke plek aanmeld ten minste 30 minute voor die aanvang van die toets om tyd te laat vir registrasie en leeswerk.
7. Alle onderwysers wat die bevoegdheidstoets aflê, moet voldoen aan die kriteria soos voorsien in die Assesseringsbestuursminuut 0006/2013 en moet die betrokke vorms voltooi voor die toets geskryf word.
8. Let asseblief ook daarop dat daar steeds vakatures bestaan vir nasieners in die volgende vakke, waarvoor geen bevoegdheidstoetse tans geskryf word nie.

Afrikaans Eerste Addisionele Taal Vraestel 2 en Vraestel 3
Afrikaans Huistaal Vraestel 1, Vraestel 2 en Vraestel 3
Engels Eerste Addisionele Taal Vraestel 1, Vraestel 2 en Vraestel 3
Engels Huistaal Vraestel 1, Vraestel 2 en Vraestel 3

9. Prinsipale en onderwysdistriksbeamptes word versoek om die inhoud van hierdie minuut onder die aandag te bring van alle personeel en om onderwysers wat voldoen aan die kriteria soos aangedui in Assesseringsbestuursminuut 0006/2013 aan te moedig om aansoek te doen om na te sien.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:07:12