1. |
Die Regulasies met betrekking tot die Nasionale Kurrikulumverklaring graad R – 12, wat in die Staatskoerant No 36041 van 28 Desember 2012 gepubliseer is, maak voorsiening vir `n finale promosiepunt vir Lewensörientering wat gebaseer is op interne assessering, wat ekstern gemodereer moet word, sowel as `n algemene assesseringstaak (AAT) wat ekstern opgestel en gemodereer sal word. Dit word duidelik gestipuleer in Regulasies 7 (5), en impliseer dat alle skole die AAT vir Lewensörientering moet skryf. |
2. |
Die doel van hierdie minuut is om skole in te lig aangaande die prosedure wat gevolg sal word met die administrasie van die AAT vir Lewensörientering. |
3. |
Die datum vir die aflê van die AAT is 4 September 2013, vanaf 09:00 tot 10:30 en daar word van skole verwag om die AAT te skryf en te merk soos voorgeskryf in hierdie minuut. |
4. |
Die Lewensörientering AAT sal bestaan uit `n vraestel van 1½ uur met `n totale punt van 75. Dit sal Taak 4 in die graad 12-Lewensörientering-assesseringsprogram, wat geskeduleer is om in Kwartaal 3 geskryf te word, vervang, en sal 20% van die totale punt vir Lewensörientering uitmaak. |
5. |
Skole word aangeraai om te verwys na die afdruk- en assesseringsriglyne wat in Mei 2012 aan alle skole gestuur is. Sodoende kan skole dus hulleself inlig oor wat in die AAT, verwag kan word. |
6. |
Die Wes-Kaapse Onderwysdepartement (WKOD) sal die druk en verspreiding van die AAT vraestelle na alle skole, behartig. |
7.1 |
Met verwysing na die aflê van die AAT, moet die prinsipaal, as Hoof Eksamenbeampte seker maak dat die reëls vir die Nasionale Senior Sertifikaat-eksamen nagekom word. |
7.2 |
Prinsipale moet koeverte in die teenwoordigheid van die leerders oopmaak en toesig hou oor die uitdeel van die vraestelle. |
7.3 |
Prinsiplale moet seker maak dat die opsieners waaksaam is gedurende die afneem van die AAT.
|
7.4 |
Na die aflê van die AAT, moet die antwoordstelle verseël word in die sak wat daarvoor voorsien is, en dit aan die prinsipaal terugbesorg vir veilige bewaring. |
8. |
Nasienriglynbespreking |
8.1 |
Nasionale en provinsiale besprekings oor die nasienriglyne sal gedurende September 2013 plaasvind. |
8.2 |
Die finale nasienriglyne sal teen 6 September 2013 aan die skole gestuur word. |
9.1 |
Die nasien van die AAT, sal op skoolvlak geskied onder die toesig van die skoolhoof, met die senioronderwyser of departementshoof (DH) wat as interne moderator waarneem. |
9.2 |
Die nasienwerk moet op 9 September 2013 begin, en teen 16 September 2013 afgehandel wees. |
9.3 |
Die provinsiale moderering van die AAT vir Lewensörientering sal op 19 September 2013 geskied. |
9.4 |
Antwoordstelle mag slegs deur die prinsipaal verwyder word op die dag wat die nasienwerk begin. |
9.5 |
Waar daar meer as een onderwyser vir Lewensörientering by die skool is, moet daar asseblief seker gemaak word dat die onderwysers nie die antwoordstelle van hulle eie leerders nasien nie. |
10. |
Skool- en distriksmoderering van antwoordstelle |
10.1 |
Die AAT moet op skoolvlak gemodereer word. |
10.2 |
Die prinsipaal moet seker maak dat ten minste 10% van die nagesiende antwoordstelle deur die senior onderwyser of die DH gemodereer word. |
10.3 |
Nadat die antwoordstelle gemodereer is, moet die punte op die punteblad, wat aan die skool verskaf is, aangebring word |
10.4 |
Die kurrikulumadviseur vir Lewensörienttering in die onderwysdistrik moet `n proefstuk van die antwoordstelle by geselekteerde skole modereer. `n Proefstuk van 10% per klas word aanbeveel. |
11. |
Vaslegging van Algemene Assesseringstaakpunte |
11.1 |
`n Spesiale punteblad sal aan skole voorsien word vir die vaslegging van die punte vir die AAT. |
11.2 |
Die punteblaaie vir AAT moet aan die WKOD gestuur word, soos al die ander skoolgebaseerde assesseringspunte. |
12. |
Prinsipale word vriendelik versoek om die nodige reëlings te tref vir die afneem van hierdie assessering. |
13. |
Bring asseblief hierdie inligting onder die aandag van alle Lewensörientering onderwysers en leerders. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:07:04
|
|