| Konferensietema: |
Onderrig, implementeer en lewe lees en skryf |
| Datum: |
26 en 27 September 2013 |
| Plek: |
Kaapse Onderwys-en-leierskapinstituut,
Nooiensfonteinweg, Kuilsrivier |
| Tyd: |
26 September 2013: 08:00 – 16:00
27 September 2013: 08:00 – 14:30 |
| Wie moet dit bywoon? |
Graad R tot 9-onderwysers |
| 1. |
Uitnodiging
Die Wes-Kaap Onderwysdepartement (WKOD) nooi die volgende persone uit:
- Skoolhoofde, praktiserende en afgetrede onderwysers van graad R tot 9, kurrikulumadviseurs en verteenwoordigers van nie-regeringsorganisasies en tersiêre onderwys om lesings, aanbiedings of uitstallings aan te bied by die bogenoemde konferensie; en
- Graad R tot 9-onderwysers wat aan die konferensie sal deelneem.
|
| 2. |
Doelstellings
Die doelstellings van die konferensie is om idees, beste praktyk en ervaring aangaande die skep van 'n liefde vir lees en skryf te deel, sowel as verskillende benaderings tot die onderrig van lees en skryf, intervensiestrategieë vir swak lesers en skrywers, en die bestuur van 'n leesskool.
|
| 3. |
Inligting vir aanbieders |
| 3.1 |
Verskillende soorte aanbiedings word ingewag:
- DVD-sessie
- Vraestel
- Demonstrasieles
- Uitstalling
- Werkswinkelsessies oor lees en skryf (praktiese aktiwiteite)
|
| 3.2 |
Deelnemers wat geïnteresseerd is om ‘n lesing, demonstrasieles of werkswinkel by die konferensie te lewer, word versoek om op die volgende te let:
- Ons benodig die volgende inligting van u:
- Die titel van u aanbieding
- ‘n Kort beskrywing van die inhoud daarvan (maksimum 60 woorde)
- Die vorm wat u aanbieding sal aanneem (sien par. 3.1)
- Deelnemers aan die konferensie moet by die aanbieding betrek word.
- Duur van die aanbieding: 60 minute. Laat 5 tot 10 minute toe vir groepbespreking of vrae.
- Lokale sal draagbare tafels en stoele, 'n dataprojektor, rekenaar, 'n witbord en staande blaaibord met papier hê.
|
| 3.3 |
Indien u geïnteresseerd is om ‘n item by die konferensie te lewer, voltooi asseblief die meegaande Bylae A en stuur dit per e-pos aan Magdalena Benn by mabenn@westerncape.gov.za of faks dit na 086 614 5151 teen 16 Augustus 2013. |
| 4. |
Inligting vir deelnemers |
| 4.1 |
Onderwysers wat die konferensie as deelnemers wil bywoon, word versoek om hulle besonderhede op die skoollys in Bylae B in te vul. |
| 4.2 |
Die voltooide Bylae B moet teruggestuur word na Gaynor Matthews by e-posadres gmatthew@westerncape.gov.za of faksnommer 086 614 5530. |
| 4.3 |
Registrasie sal sluit sodra die eerste 350 deelnemers geregistreer het. Registrasie sal plaasvind op 'n eerste-daar-eerste-bedien-basis. Maak dus seker dat u so vroeg as moontlik registreer. |
| 4.4 |
Die konferensieprogram sal 'n paneelbespreking en parallelle sessies insluit. Skole wat vir die konferensie registreer sal teen 6 September 2013 telefonies bevestiging ontvang. |
| 5. |
Logistiek
Deelnemers of aanbieders uit die landelike onderwysdistrikte wat meer as 120 km retoer aflê, kan in die Kaapse Onderwys-en-leierskapinstituut se koshuis oornag op Woensdag, 25 September en Donderdag, 26 September 2013. Akkommodasie sal deur die WKOD betaal word. Deelnemers reis op eie onkoste. |
| 6. |
Die WKOD vertrou dat hierdie konferensie 'n verrykende ervaring sal wees vir alle onderwysers wat lees en skryf onderrig en wat dit bywoon. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:07:04
|
 |