1. Die Wes-Kaap Onderwysdepartement (WKOD) is dankbaar om te kan aankondig dat 315 beurse beskikbaar gestel gaan word vir die 2014 akademiese jaar aan lede van skoolbestuurspanne wat die Gevorderde Onderwyssertifikaat: Skoolleierskap (GOS: SL) wil verwerf.

2. Die GOS: SL-kursusse is daarop ingestel om onderwys in skole te verbeter deur skoolbestuurspanne se leierskap- en bestuursvaardighede te ontwikkel.

3. Die volgende persone mag aansoek doen vir die GOS: SL-beurse:

  1. Prinsipale op ROKW 13 (M + 3) of hoër
  2. Adjunkprinsipale op ROKW 13 (M+3) of hoër
  3. Departementshoofde op ROKW 14 (M+4) of hoër met ten minste twee jaar se ervaring op die skoolbestuurspan.
4. Slegs persone in die bogenoemde kategorieë mag aansoek doen.

5. Aansoeke sal oorweeg word indien elke aansoeker aan al die volgende vereistes voldoen:

  1. moet permanent in diens wees by die WKOD
  2. Moet aan die toelatingsvereistes van die bepaalde universiteit voldoen (Sien Bylae A)
  3. Moet nie in ontvangs van enige ander staatsbeurs of ander beurs wees nie
  4. Mag nie geregistreer wees by enige ander universiteit wanneer aansoek gedoen word of ingeskryf word nie.
6. Die GOS: SL-kursus sal aangebied word op 'n deeltydse basis oor 'n periode van twee jaar, van Januarie 2014 tot Desember 2015. Die kursus sal lei na 'n NKR vlak 6-kwalifikasie en sal netwerkopleiding sowel as kontaksessies gedurende skoolvakansies behels. (Sien Bylae A).

7. Elke beurs sal registrasie- en onderriggeld dek en sal direk inbetaal word in die bankrekeninge van die betrokke hoëronderwysinrigting (HOI).

8. Akkommodasie, gereël deur óf die gekontrakteerde universiteit óf die WKOD, sal verskaf word slegs aan onderwysers wat vanaf landelike gebiede reis.

9. Waar van toepassing, sal vervoerkoste na en van die opleidingsplek deur die WKOD gedek word, op voorwaarde dat onderwysers vanaf dieselfde dorp of skool saamry.

10. Suksesvolle aansoekers is verantwoordelik vir die koste van hulle leerondersteunings- materiaal, waar van toepassing.

11. Lede wat oorweeg wil word vir die kursus en beurs word versoek om die aangehegte Bylae B- en C-vorms te voltooi, en te sorg dat albei via hulle IBB-bestuurders (distrikskantore), teen 22 Mei 2013 die volgende adres bereik het:

  Hoof: Onderwys
Vir aandag: Mnr GC de Bruyn/me JC Titus
Direktoraat: Kaapse Onderwys-en-leierskapinstituut
Wes-Kaap Onderwysdepartement
Privaatsak X14
Kuilsrivier
7579

12. Aansoeke sal via die distrikskantore gestuur word aan die Direktoraat: Kaapse Onderwys-en-leiersinstituut.

13. Aansoekvorms en ooreenkomsvorms is by hierdie minuut aangeheg. Afskrifte van hierdie vorms is ook beskikbaar by die WKOD se Kliëntediensafdeling op die tweede vloer van Grand Central Towers in Kaapstad, op die eerste vloer van die Admin 2-gebou van die Direktoraat: Kaapse Onderwys-en-leierskapinstituut, Kuilsrivier of van die IBB-bestuurders.

14. Let asseblief daarop

  • geen onvolledige of onleesbare aansoeke sal in aanmerking kom nie, en
  • geen aansoeke per faks sal aanvaar word nie.
15. Aansoeke wat ná die sluitingsdatum ontvang is, sal nie aanvaar word nie.

16. Let asseblief op die volgende:

  • Die naam van die Universiteit van u keuse (Universiteit van Stellenbosch, Universiteit van Kaapstad of Universiteit van Wes-Kaapland) moet duidelik op die aansoekvorm aangedui word.
  • Plasings sal afhang van onderwysdistrikte, bv. geografiese gebied, soort aflewering per hoëronderwysinrigting (HOI), en die getal aansoeke wat per distrik en HOI ontvang is, soos per Bylae A.
  • Gewaarmerkte afskrifte van u matrieksertifikaat, akademiese en/of professionele kwalifikasie sertifikaat/sertifikate en identiteitsdokument moet u aansoek vergesel.
  • Die aansoek moet geteken en ge-endosseer wees (getekende aansoekvorm) deur die aansoeker, sy/haar onmiddellike toesighouer (in die geval van departementshoofde en adjunkprinsipale) en die skool se IBB-bestuurder.
  • In die geval van prinsipale moet die aansoek deur die aansoeker geteken en ge- endosseer wees, (getekende aansoekvorm), deur die skool se IBB-bestuurders asook die kringspanbestuurder (KSB).
  • Sonder endossement van die toesighouer en IBB-bestuurder, sal 'n aansoek as onvolledig beskou word en daarom gediskwalifiseer word.
17. Aansoeke sal geprioritiseer word, en aanbevelings van die distriksdirekteur sal gestuur word aan die Hoof van die Departement, via die Direktoraat: Kaapse Onderwys-en-leierskapinstituut, vir goedkeuring.

18. Skoolbestuurspanne word aangemoedig om as spanne in te skryf, maar prinsipale en adjunkprinsipale sal voorkeur geniet.

19. Deur die voltooiing van die ooreenkomsvorm, (Bylae C), sal suksesvolle aansoekers 'n formele ooreenkoms met die WKOD aangaan om 'n jaar se diens te lewer vir elke jaar waarvoor die beurs toegeken is, en om te voldoen aan al die ander bepalings wat in die ooreenkoms uiteengesit is.

20. Maak asseblief seker dat die inhoud van hierdie minuut onder die aandag van lede van u skoolbestuurspan gebring word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2013:04:17

Bylae A: "2014 Bursaries available for Advanced Certificate in Education: School Leadership"  (grootte: 40 KB)
Bylae B: Aansoek om studiebeurs  (grootte: 99 KB)
Bylae C: "Agreement on payment Of tuition fees from state funds"  (grootte: 59 KB)