1. ISaveyi yaQho ngonyaka (Annual Survey) yezikolo eziqhelekileyo ifakwe kwigazethi yaye idatha echanekileyo ingafunyanwa sisikolo esiqhelekileyo ngasinye ukususela ngomhla we-6 Matshi 2012 (CEMIS Day 2).

2. Izikolo ezizalisa isaveyi kwikhompyutha maziqinisekise ukuba

  1. kuboniswa abafundi abachanekileyo ngokweklasi nganye yaye iinkcukacha zabafundi zingqinisisiwe njengezichanekileyo;
  2. zizaliswa ngokuchanekileyo izikrini zokufaka idatha (capture screens); kwaye
  3. iyahlaziywa ingcaciso yabasebenzi umntu ngamnye, ngokuthi kufakwe iinkcukacha ezikhoyo ngoku ku-2012.
3. Ukuchaneka kwedatha kubaluleke kakhulu yaye inqununu yesikolo mayithwale uxanduva lokuchaneka kwedatha ngokuyisayinela (signing it off on 6 March 2012). Ukuchaneka kwedatha makungqinisiswe kwakhona nangumphathi weze-IMG.

4. Idatha yabafundi iya kusetyenziselwa ukubhalisa abafundi kwi-Annual National Assessments (ANAs), kwiimvavanyo zenkqubo yemfundo zeWCED (WCED’s systematic tests) kumaBakala 3, 6 no-9, nakwii-odolo zeLTSM. Ayacelwa onke amaphondo ukuba angenise idatha yobhaliso lwabafundi ye-ANA (ANA learner registration data) ukuqalela phakathi ku-Februwari 2012.

5. Ngokumalunga nokubhalisela ii-ANAs kumaBakala 3, 6 no-9, zonke izikolo mazingqinisise ukuchaneka kwala macandelo edatha (data fields) alandelayo kwi-CEMIS okanye kwiiSAMS:

  1. Ulwimi lokufunda nokufundisa (LOLT) lomfundi ngamnye (Makusetyenziswe ingxelo i-CEMIS LOLT verifcation report.)
  2. Isifundo esenziwa kwinqanaba loLwimi lwaseKhaya (Home Language level) (Makusetyenziswe i-CEMIS GET Band subject correction facility.)
  3. Isifundo esenziwa kwinqanaba loLwimi lokuQala oLongezelelweyo (First Additional Language level) (Makusetyenziswe i-CEMIS GET Band subject correction facility.)
  4. Isini, uhlanga, umhla wokuzalwa nenombolo yesazisi (ID) (inombolo ye-ID mayibenemivo echanekileyo eyi-13 neprintwe kwisazisi (ID) somfundi.)
  5. Nayiphi na ingcaciso engokukhubazeka komfundi efakwe kwi-CEMIS mayitshekishwe. Ukuba le ngcaciso itshintshile, makuqhagamshelwane nomququzeleli wemfundo eneemfuno ezizodwa wesithili semfundo sakho.
6. Ingxelo eyodwa yobhaliso lomfundi ye-ANA enokuprintwa (special printable learner ANA registration report), iya kubonelelwa kwiCEMIS ukwenzela ukuyenza lula inkqubo yokutshekisha esikolweni. Iimpazamo mazilungiswe ngokusebenzisa ii-correction facilities ezikwi-CEMIS.

7. Ukwenzela ukulawula ii-ANAs neemvavanyo zenkqubo yemfundo zeWCED (WCED’s systemic tests), kubalulekile ukuba kurekhodwe ulwimi lokufunda nokufundisa oluchanekileyo lomfundi ngamnye njengoko kufuneka kuprintwe inani elichanekileyo lamaphepha emibuzo kwiqela lolwimi ngalunye aze asiwe ezikolweni.

8. Kufuneka inqununu iququzelele le misebenzi ingentla ukwenzela ukuba iqinisekise ukugqitywa kwayo ngokuchanekileyo nangexesha. Kucelwa iinqununu ukuba ziyingqinisise idatha ngaphambi kwe-6 Matshi 2012.

9. Kucelwa uqaphele ukuba igqiza labaphicothi-zincwadi i-WCG Internal Audit Team kwakunye ne-AG external audit teams baya kuphicotha idatha yabafundi kwiCEMIS ezikolweni.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:02:24