1. Ulawulo lwezicelo zeZikim zoThutho lwaBafundi (learner transport schemes (LTSs)) lubangela inkxalabo njengoko uqikelelo lubonisa ukuba iimfuno zeLTSs kweli phondo ziya zisanda ngaphezulu kohlahlo lwabiwo-mali olulungiselelweyo. Ezi nkqubo zolawulo olungqongqo (stringent procedures and controls) ziya kusetyenziswa kwizicelo eziya kwenziwa ukususela kwikota yesithathu yonyaka wesikolo ka 2012.

2. Makuzaliswe ifom yesicelo seLTS exhaswa ngezizathu ezivakalayo ize ingeniswe kwaNdlunkulu, ngokuqala idlule kwi-ofisi yesithili semfundo, ngomhla omiselweyo kumhlathi wesine(4) ukuqinisekisa ukuba izicelo ziyavunywa yaye ziphunyezwa kwangexesha. Ukuvunywa kwezicelo kuxhomekeke ekufumanekeni kwemali. Kumele ukuba kufunyanwe imvume kwangaphambili kwaNdlunkulu phambi kokuba kuthuthwe abafundi abongezelelweyo kuloo ndlela. Iikontraki (contractors) aziyi kuhlawulwa ngabo nabaphi na abafundi ezibathuthayo zingakhange ziyifumane imvume kwangaphambili.

3. Iindlela ezintsha zimele ukuba zimiselwe ekuqaleni konyaka wesikolo. Ngenxa yoku isicelo sokumiselwa kweLTS entsha masingeniswe ngale ndlela ilandelayo. Isikolo masisebenzise inyanga ka-Ogasti 2012 ukulungiselela isicelo esizathuzelwe ngokupheleleyo futhi singeniswe kwi-ofisi yesithili semfundo ngowe-31 Ogasti 2012. I-ofisi yesithili semfundo kufanele ukuba sisebenzise inyanga kaSeptemba 2012 ukulungiselela i-map kwakunye neenkcukacha zendlela, khon’ ukuze kuqinisekiswe ukuba isicelo sizathuzwe ngokupheleleyo xa sithunyelwa kwaNdlunkulu ngowe-30 Septemba 2012.

4. Izikolo zikarhulumente mazingenise zonke izicelo zeLTSs zonyaka wokufunda ka-2013 kwiofisi yesithili semfundo ubuncinane inyanga phambi kwexesha eliboniswe apha ngezantsi, ukwenzela ukuba ziqwalaselwe nguSekela-Mlawuli weeNkonzo zeZiko. Ii-ofisi zezithili zemfundo ziya kuqinisekisa ukuba zonke izicelo zigqithiselwa kuMlawuli oyiNtloko weZithili zeMfundo (Attention: Mr R Larney).

IKOTA UMHLA WOKUQALA KWEKOTA UMHLA EZILINDELEKE NGAWO KWANDLUNKULU
1 16 Januwari 2013 30 Septemba 2012
2 8 Apreli 2013 1 Matshi 2013
3 15 Julayi 2013 3 Juni 2013
4 1 Oktobha 2013 Akukho bafundi batsha baya kufakwa kwiLTS ukususela ekuqaleni kwekota yesikolo yesine.

5. Emva kokuba isicelo sithathelwe ingqalelo kwaNdlunkulu, isiphumo soko siya kudluliselwa kuMlawuli oyiNtloko weZithili zeMfundo, oya kwazisa onke amaqela achaphazelekayo ngesiphumo eso.

6. Kuya kuphunyezwa la manyathelo alandelayo ekuqaleni kwekota yesikolo yesithathu ka-2012:

  • Makufunyanwe imvume kwangaphambili kwaNdlunkulu phambi kokuba kuthuthwe abafundi abongezelelweyo kuloo ndlela. Iikontraki aziyi kuhlawulwa ngabafundi abathuthwa ngaphandle kwemvume.

  • Abafundi abongezelelweyo kunye/okanye ukwandiswa kwendlela ekhoyo kuya kuvunywa ukuqala ngomhla olandela umhla ekufunyenwe ngawo isicelo. Olu suku luya kuba sekuqaleni kwenyanga eyandulela inyanga ekufunyenwe ngayo isicelo. Akukho zimvume ziya kunikwa emva kokugqitywa kokunikwa kwazo.

  • Akukho zindlela zintsha ziya kumiselwa ngethuba lekota yesikolo yesine

  • Phambi kokuba kuqwalaselwe ukongezelelwa kwabafundi kwiSikim soThutho, ii-ofisi zezithili zemfundo ziyakuphanda ukuba abo bafundi abanakho ukubhaliswa kwizikolo ezikufuphi nomgama ozii kilomita ezintlanu (5) ukusuka kumakhaya abo.

  • Umgaqo-nkqubo weSebe iWCED omalunga neeLTSs umisela ukuba ezi ndawo zilandelayo azifanele kuxhamla kwiskim sothutho lwabafundi:

    • Iidolophu kwizithili ezisemaphandleni apho izithuthi zikawonke-wonke zifumaneka ngokulula nalapho kukho indawo eyaneleyo eziklasini okanye kukho kuyo isikolo esifanelekileyo
    • Iindawo zesixeko saseKapa (Cape Town Metropole) apho kukho izithuthi zikawonke-wonke

    Ii-ofisi zezithili zemfundo ziya kuphanda ukuba zeziphi na iindlela ezinokwenziwa mfutshane, ezinokupheliswa okanye ezinokuyekwa ukusetyenziswa apho kukho izibonelelo eziyimfuneko.

  • Izicelo ezingeniswa ngqo kwaNdlunkulu zizikolo ziya kubuyiselwa kwi-ofisi yesithili semfundo.

  • Izicelo ezifike kade aziyi kuthathelwa ngqalelo, ngaphandle kokuba zihamba kunye nenkcazo ebhaliweyo eyamkelekileyo.
7. Iya kuthakazelelwa into yokuba amaqela achaphazelekayo angalandela ngqo le migqaliselo equlethwe kule ngcaciso imfutshane.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:06:20