1. ISebe leMfundo leNtshona Koloni (WCED) lenza amalungiselelo okuthutha abafundi abahlala kumgama oziikhilomitha ezi-5 okanye ongaphezu koko ukusuka kwesona sikolo sikarhulumente sikutshane esifanelekileyo. Abafundi abangenako ukufikelela kwizithuthi zikawonke-wonke kwiingingqi zamaphandle nakwiindawo ezikude (outlying areas) baqwalaselwa kuqala kunabezinye iindawo. Inani lilonke labafundi abathuthwayo lixhomekeke kwibhajethi yothutho lwabafundi yeSebe iWCED ekhoyo yezikolo zikarhulumente eziqhelekileyo.

2. Ukuphucula ulawulo lwezikim zothutho lwabafundi, iSebe iWCED liya kuqalisa isistim yokusetyenziswa kwekhompyutha (automated system) ukungqinisisa inani labafundi abathuthwayo ngezikim zothutho lwabafundi zeSebe iWCED. Ukungqinisiswa kuya kuqhutywa qho ngekota yaye kuya kungqinelana neemfuno ezingummiselo zokuphicothwa kweencwadi.

3. Isistim yokusetyenziswa kwekhompyutha ibandakanya ukubonisa kwi-Central Education Management Information System (CEMIS) okanye kwi-Integrated School Administration Management System(i-SAMS) ukuba ngabaphi abafundi bamaBakala R - 12 abasebenzisa njengangoku inkqubo yothutho lwabafundi ehlawulelwa ngengxowa-mali yeSebe iWCED. Oku kudibanisa nezikolo apho umsebenzi wokuqesha izithuthi zothutho lwabafundi uye wadluliselwa esikolweni nalapho iimali zokulawula le nkonzo ziye zithunyelwe esikolweni eso liSebe iWCED.

4. Kufuneka izikolo zingene kwiCEMIS okanye kwi-i-SAMS kwithuba eliqalela kumhla we-6 liye kutsho kowe-19 Juni 2012, nokuba zilandele imiyalelo emayisetyenziswe ekwikhompyutha (online procedure manual) engokufaka inombolo yendlela (route number) nenkcazo yayo, nokutsho ukuba ngabaphi abafundi abathuthwayo njengangoku. Ukufumana i-online manual kwiCEMIS, izikolo mazenze oku kulandelayo:

Izikolo ezisebenzisa iCEMIS

  • Ngena kwi-CEMIS.
  • Yiya kwi-menu page.
  • Yalatha kwisihloko esithi "Administration". (Kuya kuvela kuluhlu olukwiskrini oku "Learner Transport Scheme".);
  • Yalatha ku-"Learner Transport Scheme" option. (Kuya kuvela kuluhlu olukwiskrini oku -"LTS guide").
  • Klikha ku-"LTS guide".

Izikolo ezisebenzisa i- i-SAMS

5. Iinqununu maziqinisekise ukuba kuboniswa kuphela abafundi abakufaneleyo ukuthuthwa ngokomgaqo-nkqubo wothutho lwabafundi okhoyo ngoku weSebe iWCED (ISetyhula 32 ka-2010).

6. Apho izikolo zineendlela ezingaphezu kwenye, makwenziwe ngenyameko ukwenzela ukuqinisekisa ukuba abafundi bafakwa kwindlela echanekileyo nokuba inkcazo yendlela irekhodwa ngokuchanekileyo. Iinkcazo zendlela mazibandakanye zonke iindawo abathathwa kuzo abafundi ukuqala ekuqaleni kwindlela eya esikolweni.

7. Ukubandakanywa kwabafundi abongezelelweyo kuxhomekeke ekuvunyweni liSebe iWCED kwezi meko zilandelayo:
7.1 Apho kongezwa abafundi ebebengagunyaziswa ngaphambili ngethuba kusenziwa le nkqubo yesistim yokusetyenziswa kwekhompyutha;
7.2 Apho kugqithisiweyo kwelona nani liphezulu labafundi linokuthuthwa ngokwemvumelwano ekhoyo

8. Ukufakwa kweenkcukacha zothutho lwabafundi makugqitywe ungadlulanga uMvulo we-19 Juni 2012.

9. Kunyanzelekile ukuba zonke izikolo ezinezikim zothutho lwabafundi ezihlawulelwa ngengxowa-mali yeSebe iWCED zifake ingcaciso efunekayo kwiCEMIS okanye kwi-i-SAMS.

10. Kuphela ngabafundi abangqinwayo zizikolo kwinkqubo yokusetyenziswa kwekhompyutha nabathi ngenxa yoko bagunyaziswe liSebe iWCED abanokuxhamla kwizikim zothutho lwabafundi zeSebe iWCED ukususela ekuqaleni kwekota yesikolo yesithathu ka-2012. Izikolo nee-ofisi zezithili zemfundo ziya kubanako ukubabona abafundi abavunyiweyo kwi-CEMIS okanye kwi-i-SAMS yakubanje inikiwe imvume yoku.

11. Kulindeleke ukuba izikolo esele zizifakile iinkcukacha zothutho lwabafundi bazo kwiCEMIS okanye kwi-i-SAMS zisebenzise okukule setyhula kunye ne-online procedure manual ehlaziyiweyo ukuqinisekisa ukuba iinkcukacha zifakwe kwikhompyutha ngokuchanekileyo.

12. Kufuneka inqununu yesikolo izisayinele iinkcukacha zothutho lwabafundi kwi-CEMIS okanye kwi-i-SAMS.

13. Kungaqhagamshelwana naba bantu balandelayo xa kufunwa uncedo malunga nokufakwa kweenkcukacha zothutho lwabafundi kwi-CEMIS okanye kwi-i-SAMS:

  Dion Seekoei
Rhonell De Vries
Toka Mokhoane
Tanya de Villiers
inombolo yefoni 021 467 2143
inombolo yefoni 021 467 2136
inombolo yefoni 021 467 2356
inombolo yefoni 021 467 9244


ISAYINWE: NGU-MM Harker
USEKELA MLAWULI-JIKELELE WOCWANGCISO LWEZEMFUNDO
UMHLA: 2012:06:04