1. Die jaarlikse KITSOPNAME van gewone openbare skole is een van die belangrikste bronne van inligting aangaande die situasie by u skool. Die inligting wat ingesamel is, sal bydra tot die Onderwysbestuursinligtingstelsel van die provinsie en sal gebruik word in die administrasie en beheer van skole, met inbegrip van die voorsiening van bronne aan skole, veral personeel.

2. Die kitsopname vir gewone openbare skole moet teen 29 Januarie 2013 voltooi wees.

3. Skole moet die opname aanlyn op die SOBIS of i-SAMS voltooi. Dit impliseer dat die prinsipaal moet verseker dat:

  • alle leerders wat ingeskryf het en die skool in 2013 bywoon in hulle korrekte klasse op die SOBIS en i-SAMS verskyn;
  • enige leerder wat ingeskryf het en nog nie teen 29 Januarie 2013 by u skool gearriveer het nie, gederegistreer word, soos vereis deur die leerderteenwoordigheidsbeleid (Die leerder kan dan weer inskryf indien hy of sy na 29 Januarie 2013 opdaag.)
  • die skerms waarop die getal personeellede van die skool ingesleutel word, akkuraat voltooi is;
  • die infrastruktuurvasleggingskerm ingesluit is by die opname en korrek voltooi; en
  • die aftekenafdeling van die opname korrek en betyds voltooi is.
4. Leerderregistrasie vir die 2013 JNA’s word vereis aan die begin van Maart 2013. Prinsipale moet verseker dat die Taalvakke en die taal van leer en onderrig korrek vasgelę is vir elke leerder.

5. Die kitsopname se data moet afgeteken word deur die skool se IBB-bestuurder of kringspanbestuurder.

6. Aanmaning: Die vakke wat deur graad 12-leerders geneem word, moet vir korrektheid nagegaan word teen die einde van Januarie 2013. Die vakverandering-versoekfasiliteit vir graad 12-leerders sal slegs tot die einde van Januarie 2013 beskikbaar wees.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2012:12:14