1. Die Jaarlikse Opname vir gewone skole is gepubliseer en akkurate gegewens moet verkry word vir elke gewone skool, soos op 6 Maart 2012 (SOBIS-dag 2).

2. Skole wat die aanlynopname voltooi, moet seker maak dat

  1. die korrekte leerders per klas aangetoon word en dat die leerderbesonderhede geverifieer is as korrek.
  2. die skerms vir vaslegging akkuraat voltooi word; en
  3. die personeelgegewens per individu opgedateer word, met die huidige gegewens vir 2012.
3. Akkuraatheid van gegewens is van kritieke belang en die skoolhoof moet verantwoordelikheid en aanspreeklikheid neem vir die akkuraatheid van die gegewens deur dit af te teken teen 6 Maart 2012. Die akkuraatheid van die gegewens moet ook deur die IBB-bestuurder bevestig word.

4. Die leerdergegewens sal gebruik word om die leerders vir die Jaarlikse Nasionale Assesserings (JNA’s), die WKOD sistemiese toetse vir graad 3, 6 en 9 en LOOMbestellings te registreer. Alle provinsies moet JNA-leerderregistrasiegegewens vanaf middel Februarie 2012 voorlê.

5. Ten opsigte van registrasie vir die JNA’s vir graad 3, 6 en 9, moet alle skole die akkuraatheid van die volgende gegewens op SOBIS of iSAMS verifieer:

  1. Die Taal van Leer en Onderrig (TLO) van elke leerder (Gebruik die SOBIS TLO verifikasieverslag.)
  2. Die vak geneem op Huistaalvlak (Gebruik die SOBIS AOO-band vakkorreksiefasiliteit.)
  3. Die vak geneem op Eerste Addisionele Taalvlak (Gebruik die SOBIS AOO-band vakkorreksiefasiliteit.)
  4. Die geslag, ras, datum en geboorte en nasionale identiteitsnommer (ID)-nommer. (Die ID-nommer moet die korrekte 13 syfers bevat wat in die leerder se ID gedruk is.)
  5. Enige leerdergestremdheidsinligting wat op die Sobis ingesleutel is, moet nagegaan word. Indien hierdie inligting verander het, moet u distrik se spesialebehoeftes-onderwys se koördineerder gekontak word.
6. ‘n Spesiale JNA-leerderregistrasieverslag sal op die SOBIS verskaf word om die kontroleproses op skool te vergemaklik. Foute moet gekorrigeer word via die korrigeerfasiliteite op SOBIS.

7. Vir die bestuur van die JNA's en die WKOD se sistemiese toetse is dit belangrik om die korrekte TLO vir elke leerder aan te dui aangesien die korrekte getal vraestelle vir elke taalgroep gedruk en aan skole versprei moet word.

8. Die prinsipaal behoort bogenoemde take te koördineer om te verseker dat alles korrek en betyds afgehandel word. ‘n Beroep word gedoen op prinsipale om die gegewens te verifieer teen en nie later as 6 Maart 2012.

9. Let asseblief daarop dat die WKR Interne Ouditspan sowel as die Ouditeur-Generaal se eksterne ouditspanne die SOBIS-leerdergegewens by skole sal oudit.


GETEKEN: PA VINJEVOLD
HOOF: ONDERWYS
DATUM: 2012:02:24