1. Ooreenkomstig die strategiese doelwit van die nasionale Departement van Basiese Onderwys moet die Wes-Kaap Onderwysdepartement verseker dat alle leerders oor die nodige handboeke en skryfbehoeftes beskik aan die begin van die 2013- skooljaar.

2. Om hierdie doelwit te bereik, word van prinsipale verwag om te verseker dat hulle skole se rekwisisievorms vir leer- en onderrigondersteuningsmateriaal (LOOM) teen nie later nie as 24 Augustus 2012 aan die LOOM-bestelkantoor voorgelê word.

3. Openbare skole is die geleentheid gebied om 'n handboek per vak vir alle vakke (behalwe Lewensvaardighede en Lewensoriëntering) te bestel, deur van die aanlynbesteldiens op die SOBIS en iSAMS gebruik te maak. Bestellings vir graad 4 en 6 moet teen 15 Augustus 2012 voorgelê word.

4. Die WKOD het die belangrike LOOM-prioriteite wat hieronder gelys word, geselekteer. Nie-artikel 21-skole moet van hulle orige LOOM (Norme-en-standaarde-toekenning) gebruik om hierdie items te bestel.

  • 'n Lewensvaardighedehandboek (graad 4 tot 6) of Lewensoriënteringhandboek (graad 11) per leerder
  • Addisionele onderwysersgidse vir graad 4 tot 6 en 11
  • Die Foundation Phase Phonics Programme van die Nasionale Katalogus
  • Leesboeke en/of leesskemas vir graad 4 tot 6 van die Nasionale Katalogus
  • Aanvullende handboeke vir graad 1 tot 3 en 10 van die Nasionale Katalogus

Die aangehegte rekwisisievorm kan vir hierdie doel gebruik word.

5. Die verkrygingsprosesse vir artikel 21- en nie-artikel 21-skole, soos uiteengesit in die WKOD se Omsendbrief 0003 en 0004 van 2012, moet nagevolg word.

6. Skole word weereens daaraan herinner dat hulle 'n doeltreffende handboekbestuurstelsel moet hê om te verseker dat handboeke vir ten minste drie jaar behou kan word.

7. Bring asseblief die inhoud van hierdie minuut onder die aandag van alle lede van u personeel.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2012:08:17

Rekwisisie vir LOOM  (grootte: 29 KB)