1. Die Wes-Kaap Onderwysdepartement (WKOD) maak voorsiening vir die vervoer van leerders wat 5 kilometer of verder van die naaste geskikte openbare gewone skool af woon. Leerders wat geen toegang het tot openbare vervoer in landelike en verafgeleë areas nie, kry voorkeur. Die totale getal leerders wat vervoer word hang af van die WKOD se leerdervervoerbegroting soos beskikbaar vir openbare gewone skole.

2. Om die administrasie van leerdervervoerskemas te verbeter, sal die WKOD 'n geoutomatiseerde stelsel invoer om die getal leerders wat vervoer word deur die WKOD se leerdervervoerskemas te verifieer. Die verifikasie sal kwartaalliks plaasvind en konformeer met ouditvereistes.

3. Die geoutomatiseerde stelsel behels dat op die Sentrale Onderwysbestuursinligtingstelsel (SOBIS) of Integrated School Administration Systems (i-SAMS) aangedui word watter leerders van graad R tot 12 tans gebruik maak van die leerdervervoerstelsel wat deur die WKOD befonds word. Dit sluit in skole waar die funksie om leerdervervoer te verkry na die skool toe afgewentel is en waar fondse om die diens te bestuur na die skool oorgedra word deur die WKOD.

4. Daar word van skole verwag om toegang te verkry tot die SOBIS of i-SAMS tussen 6 en 19 Junie 2012 om die instruksies in die aanlyn prosedurehandleiding te volg om die roetenommer en beskrywing in te sleutel, en aan te dui watter leerders tans vervoer word. Om toegang te verkry tot die aanlynhandleiding op die SOBIS of i-SAMS, moet skole die onderstaande stappe volg:

Vir SOBIS skole

  • Teken aan op SOBIS;
  • Gaan na die kieslysbladsy.("menu page");
  • Hou die merker op die "Administration"-opskrif; ("Learner Transport Scheme" sal in die lys verskyn.);
  • Hou die merker op die "Learner Transport Scheme"-opsie; ("LTS guide" sal in die lys verskyn); en
  • Kliek op "LTS guide".

Vir i-SAMS skole
5. Prinsipale moet verseker dat slegs leerders wat kwalifiseer ingevolge die bestaande leerdervervoerbeleid van die WKOD (Omsendbrief 32 van 2010) aangedui word.

6. Waar skole meer as een roete het, moet sorg gedra word dat leerders toegeken word aan die korrekte roete en dat die roetebeskrywings korrek ingekryf word. Roetebeskrywings bestaan uit slegs die eerste optel punt.

7. Die inluiting van addisionele leerders is onderhewig aan WKOD-goedkeuring in die volgende instansies:
7.1 Waar leerders wat nie voorheen gemagtig is nie, bygevoeg word tydens die outomatisasieproses
7.2 Waar die maksimum getal leerders, soos per die bestaande kontrak oorskry word.

8. Die vaslegging van leerdervervoerbesonderhede moet afgehandel wees teen Maandag, 19 Junie 2012.

9. Dit is verpligtend vir alle skole met leerdervervoerskemas wat deur die WKOD befonds word om die vereiste inligting op die SOBIS of i-SAMS vas te lê.

10. Slegs leerders wat deur skole gesertifiseer is in die outomatisasieproses en vervolgens deur die WKOD gemagtig is, kan voordeel trek uit die WKOD se leerdervervoerskemas van die begin van die 3de skoolkwartaal van 2012. Skole en onderwysdistrikskantore sal die goedgekeurde leerders op SOBIS of i-SAMS kan sien sodra goedkeuring verleen is.

11. Daar word van skole, wat reeds leerdervervoerbesonderhede vasgelê het op SOBIS of i-SAMS, verwag om die inhoud van hierdie skrywe en die opgedateerde aanlynhandleiding te gebruik om te verseker dat besonderhede korrek vasgelê is.

12. Die prinsipaal van die skool moet die leerdervervoerbesonderhede op SOBIS of i-SAMS afteken.

13. Die volgende persone kan gekontak word vir hulp met die vaslegging van besonderhede van die leerdervervoerskema op SOBIS of i-SAMS:

  Dion Seekoei
Rhonell De Vries
Toka Mokhoane
Tanya de Villiers		 Tel. 021 467 2143
Tel. 021 467 2136
Tel. 021 467 2356
Tel. 021 467 9244


GETEKEN: MM Harker
ADJUNK-DIREKTEUR-GENERAAL: ONDERWYSBEPLANNING
DATUM: 2012:06:04