| 1. |
Met die oog op die samestelling van 'n lys van roerende bates, sal beamptes van Verkrygingslynbestuur alle skole besoek wat oor mobiele klaskamers beskik. |
| 2. |
Hierdie mobiele klaskamers sal van strepieskodes voorsien word en alle skole word versoek om saam te werk deur toegang tot hierdie mobiele klaskamers te verleen. |
| 3. |
Hierdie oefening sal 'n aanvang neem op Maandag, 17 September 2012 en behoort voltooi te wees teen 31 Oktober 2012. |
| 4. |
Op grond van die dringendheid van die saak, sal beamptes van Verkrygingslynbestuur ook toegang tot skole benodig gedurende die tydperk van 1 tot 5 Oktober 2012, wat in die skoolvakansie val. |
| 5. |
Dit is uiters belangrik dat skole alle eenhede op hulle terrein wat nie aan die definisie van 'n mobiele eenheid voldoen nie, in hulle bateregisters meld. Die rede hiervoor is dat hierdie eenhede nie in die bateregister van die Wes-Kaap Onderwysdepartement getoon sal word nie, maar dat daar nog steeds oor hulle verantwoording gedoen moet word. |
| 6. |
U samewerking sal waardeer word. |
GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2012:09:12
|
 |