| 1. |
ISebe leMfundo esiSiseko likazwelonke liqulunqe isikhokelo sikazwelonke ukulungiselela unyulo lwamabhunga olawulo ezikolo ukwenzela ukuqinisekisa ungqinelwano kwiinkqubo zokutyunjwa nokunyulwa kwamabhunga olawulo ezikolo zikarhulumente kuwo onke amaphondo. |
| 2. |
Esi sikhokelo sikazwelonke sahlukile kwimiqathango ekhoyo ngoku ephathelele ekusekweni nakwimisebenzi yamabhunga olawulo ezikolo zikarhulumente eyakhutshwa liSebe leMfundo leNtshona Koloni (WCED) yaza yapapashwa kwiGazethi yePhondo i-Provincial Gazette Extraordinary 6519 yowe-20 Meyi 2008, yabuya yafakelwa izilungiso siSaziso sePhondo 138/2009, kwi-Provincial Gazette No. 6624 yowe-24 Apreli 2009. Le miqathango yephondo iye ke ngoko yafakelwa izilungiso ukungqinelana noku.
|
| 3. |
Esi sikhokelo sikazwelonke sahlukile kwakhona kwimiqathango ekhoyo ngoku ephathelele kumabhunga olawulo ezikolo zikarhulumente zabafundi abaneemfuno ezizodwa zemfundo, njengoko yapapashwa kwi-Provincial Gazette Extraordinary 6554 yowe-12 Septemba 2008. Nayo le miqathango yephondo iye kwakhona yafakelwe izilungiso ukungqinelana noku. |
| 4. |
Ezi zilungiso zifakelwe kuzo zombini iisethi zemiqathango yephondo zipapashwe kwi-Provincial Gazette 6951 yowe-10 Februwari 2012. Ikopi yezi zilungiso zipapashiweyo iqhotyoshelwe apha. |
| 5. |
Kucelwa wazise okukule setyhula bonke oosihlalo bamabhunga olawulo ezikolo kunye nabo bonke abantu abachaphazelekayo ukuze bakuthathele ingqalelo. |
ISAYINWE: NGU-PENNY VINJEVOLD
INTLOKO: YESEBE LEMFUNDO
UMHLA: 2012:02:24
|
 |