1. ISebe leMfundo leNtshona Koloni linqwenela ukuthetha-thethana nokwabelana ngengcaciso nabaphathi bamaziko ngemiba eyahlukeneyo echaphazela amaziko emfundo oluntu.
2. Lo mgaqo-sikhokelo namaxwebhu enkqubo emayilandelwe aqhotyoshelweyo anenkqubo evunyiweyo yokusekwa kunye nokusebenza kweeforam (isihlomelo A and B).
3. Lo mgaqo-sikhokelo weforam nenkqubo emayilandelwe usebenza kuwo onke amaziko emfundo oluntu eNtshona Koloni.
4. Kufuneka kusekwe iiforam zezithili ingaphelanga inyanga enye ukususela ekukhutshweni kwale ngcaciso imfutshane. Amalungu eForam yePhondo yaBaphathi bamaZiko makakhethwe kwintlanganiso yokuqala yayo nganye iforam yesithili yabaphathi bamaziko. Umphathi wezeMG (AET) uya kuququzelela le nkqubo.
5. Ukufumana ingcaciso engaphezulu, qhagamshelana nomphathi weze-IMG (AET) kwiofisi yesithili semfundo saloo ndawo okuyo.


ISAYINWE: NGU-J.H. Lyners
USEKELA MLAWULI-JIKELELE WECANDELO LOPHUHLISO NOQUQUZELELO LWAMAZIKO
UMHLA: 2012:05:24

isiHlomelo A: "Framework for establishing Provincial and District Consultative forums of Centre Managers"  (ubukhulu: 70 KB)
isiHlomelo B: "Protocol for Centre Canager forums"  (ubukhulu: 73 KB)