1. Alle gewone en spesiale openbare skole is tans besig om nuwe skoolbeheerliggame (SBL’e) te verkies. Skole word daaraan herinner dat die eerste vergadering van die SBL gehou moet word binne 14 dae van die verkiesingsdatum. By daardie vergadering moet die ampsbekleërs van die SBL verkies word.
2. Die persoonlike besonderhede van alle lede van die nuwe SBL moet direk op die spesiaal ontwikkelde program op die SOBIS ingesleutel word teen 30 April 2012. In die toekoms moet alle inligting aangaande die samestelling van SBL’e of veranderinge in sy lidmaatskap op die SOBIS vasgelę word. ‘n Gebruikershandleiding wat die stappe gee wat gevolg moet word wanneer die SBL-lidmaatskapbesonderhede vasgelę word, sal binnekort na skole gestuur word.
3. Na die konstituering van die nuwe SBL, moet die uitgaande SBL alle SBL-lęers en ander relevante dokumentasie amptelik aan die nuwe SBL oorhandig. Die prinsipaal, as lid van die uitgaande sowel as die nuwe SBL, moet seker maak dat die korrekte oorhandigingsproses gevolg word. Die betrokke oorhandigingsdokumentasie en sertifikaat moet voltooi en onderteken word deur die betrokke persone.
4. Ingevolge artikel 18 van die Suid-Afrikaanse Skolewet, 1996, moet elke skoolbeheerliggaam funksioneer ooreenkomstig ‘n grondwet wat voldoen aan die minimum vereistes soos bepaal deur die Provinsiale Minister van Onderwys. Nuutverkose of aangestelde SBL’e word daaraan herinner om die huidige grondwet te bekragtig of, indien nodig, wysigings aan te bring. Indien wysigings tot die grondwet gemaak word, moet ‘n afskrif van die hersiene grondwet voorgelę word aan die betrokke onderwysdistrikskantoor, vir rekorddoeleindes, binne 90 dae na die eerste vergadering van die nuwe SBL.
5. Bring asseblief die inhoud van hierdie minuut onder die aandag van alle betrokkenes.


GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2012:03:23