1. Die Wes-Kaap Onderwysdepartement (WKOD), in samewerking met die Wes-Kaap Onderwysstigting, sal begin met die bekendstelling van jeugleierskapont-wikkelingsprogramme in die Wes-Kaap. Die inisiatief is in reaksie op 'n besondere ernstige beroep van onderwysdistrikte dat verteenwoordigende leerderrade (VLR'e) in sekere skole versterk sal word.

2. Dit is uiters belangrik dat VLR'e meer funksioneel word en die verantwoordelikheid opneem om medeleerders aan te moedig om hulle onderwys positief te benader. Daar word ook gehoop dat hierdie inisiatief die geaffekteerde skole aansienlik sal help om skooldissipline te verbeter. Onderwyserskakelbeamptes (OSB's) is die sleutel tot die sukses van hierdie beweging.

3. Die Direktoraat: Inrigtingsbestuur-en-beheerbeplanning (IBBB) het die taak om te verseker dat daar 'n gevestigde VLR by elke skool is wat leerders vir graad 8 en hoër inskryf, soos voorgeskryf in artikel 11(a) van die Suid-Afrikaanse Skolewet, 1996 (Wet 84 van 1996), soos gewysig. OSB's en VLR'e het 'n behoefte aan deurlopende opleiding en ondersteuning om beheer in al ons skole te versterk.

4. Die Direktoraat: IBBB, in vennoodskap met die WKOS, beoog om die volgende aktiwiteite in Maart 2012 te loods:
4.1 'n Loodsprojek in die Onderwysdistrik Metro-Oos met die doel om die VRL'e as agente vir verandering met leierskapvaardighede toe te rus. Vyftien skole sal ewekansig gekies word om aan die projek deel te neem. Die skole wat gekies is sal eersdaags ingelig word van lokale via hulle IBB-distrikshoofde.
4.2 'n Eendaagse seminaar wat 200 OSB's van die 8 onderwysdistrikte betrek, distrikskoördineerders, skoolbestuurspanne en lede van skoolbeheerliggame van die betrokke skole, is geskeduleer vir Saterdag, 17 Maart 2012. Die seminaar sal die hersiene VLR-handleiding behandel, jeugleierskapopvoeding behandel en motiveringspraatjies insluit. Die tema van die seminaar is "Bevordering van jeugleierskap in skole". OSB's wat 'n plek vir die seminaar wil bespreek moet me Zoliswa Lonja skakel by haar e-posadres Zoliswa.Lonja@pgwc.gov.za of tel.no. 021467 2070.
4.3 'n Naweekkamp van twee dae vir die VLR'e in die gekose distrik, geskeduleer vir 23 en 24 Maart 2012.
4.4 Opleiding van OSB's as fasiliteerders

5. Indien u enige verdere inligting benodig, skakel asseblief me Zoliswa Lonja deur middel van die kontakbesonderhede in par 4.2 hierbo.

6. Bring asseblief die inhoud van hierdie minuut onder die aandag van alle belanghebbendes.


GETEKEN: J H Lyners
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2012:02:06

"TLO Forum on Advancing Youth Leaderhip in schools - Registration Form"  (grootte: 52 KB)